سلہٹ ٹیسٹ میں پاکستان کو شکست، بنگلہ دیش نے ٹیسٹ سیریز 0-2 سے جیت لی

یہ بھی پڑھیں: بنگلہ دیش کے خلاف دوسرا ٹیسٹ: پہاڑ جیسا ہدف لیکن پاکستانی کوچ عمر گل جیت کے لیے پرامید

سلہٹ ٹیسٹ کے چوتھے روز کے اختتام تک پاکستان نے بنگلہ دیش کے 437 رنز کے ہدف کے تعاقب میں 7 وکٹوں کے نقصان پر 316 رنز بنا لیے تھے۔

قومی ٹیم کو اننگز کے آغاز میں مشکلات کا سامنا کرنا پڑا اور پہلی وکٹ 27 رنز پر گری جب عبداللہ فضل صرف 6 رنز بنا کر آؤٹ ہوگئے۔

اس کے بعد اذان اویس 21 رنز کے ساتھ پویلین لوٹ گئے اور اسکور 41 رنز تک پہنچ گیا۔

مزید پڑھیں: سلہٹ ٹیسٹ: بنگلہ دیش نے پاکستان کو جیت کے لیے 437 رنز کا ہدف دے دیا

ابتدائی 2 وکٹیں جلد گرنے کے بعد کپتان شان مسعود اور بابر اعظم نے ذمہ دارانہ بیٹنگ کا مظاہرہ کرتے ہوئے ٹیم کو سنبھالا اور اسکور 133 رنز تک پہنچایا۔

بابر اعظم 47 رنز بنا کر آؤٹ ہوئے جبکہ سعود شکیل صرف 6 رنز بنا سکے۔

پاکستان کا مجموعہ 162 رنز تک پہنچا تو شان مسعود 71 رنز کی عمدہ اننگز کھیلنے کے بعد وکٹ گنوا بیٹھے۔

مزید پڑھیں: دورہ پاکستان اور بنگلہ دیش کے لیے آسٹریلوی اسکواڈ کا اعلان، 3 اہم فاسٹ بولرز شامل نہیں

بعد ازاں سلمان علی آغا اور محمد رضوان نے ٹیم کو سہارا دیا اور اسکور 255 رنز تک پہنچایا۔

محمد رضوان نے اس دوران نصف سنچری مکمل کی، ان کی اننگز میں 7 چوکے شامل تھے۔

بنگلہ دیش کی جانب سے ناہید رانا اور تیج الاسلام نے 2، 2 کھلاڑیوں کو آؤٹ کیا جبکہ مہدی حسن میراز کے حصے میں ایک وکٹ آئی۔

یاد رہے کہ پاکستان اپنی پہلی اننگز میں 232 رنز پر آؤٹ ہوگیا تھا جبکہ بنگلہ دیش نے پہلی اننگز میں 278 اور دوسری اننگز میں 390 رنز اسکور کیے تھے۔