کراچی میں منشیات کے مقدمات میں گرفتار انمول عرف پنکی کے مبینہ رابطہ نیٹ ورک سے متعلق اہم انکشاف سامنے آیا ہے، جس میں بیوروکریٹس، سفارتی اور بااثر شخصیات کے رابطہ نمبرز بھی شامل ہونے کا دعویٰ کیا گیا ہے۔
یہ بھی پڑھیں:انمول پنکی نے کن شخصیات کے خلاف بیانات دیے؟ وکیل نے ملاقات کی تفصیلات بتا دیں
میڈیا رپورٹ کے مطابق پاکستان میں مبینہ طور پر لیک ہونے والی ایک حساس تحقیقاتی رپورٹ نے سوشل میڈیا کے ساتھ ساتھ سرکاری، سفارتی اور قانون نافذ کرنے والے اداروں میں بھی تشویش کی نئی لہر پیدا کر دی ہے۔
دستیاب ڈیٹا اور اسپریڈ شیٹ کے ابتدائی جائزے سے ظاہر ہوتا ہے کہ یہ محض چند فون نمبرز کی فہرست نہیں بلکہ ایک وسیع اور منظم رابطہ نیٹ ورک کا خاکہ ہے، جس میں مختلف شہروں اور اہم شعبوں سے تعلق رکھنے والے افراد کے روابط موجود ہونے کا عندیہ دیا گیا ہے۔
دوسری جانب پنکی کیس کی تحقیقات میں پیش رفت سامنے آئی ہے، جہاں کراچی پولیس نے منی لانڈرنگ اور سائبر کرائمز سے متعلق تفتیش کے لیے فیڈرل انویسٹی گیشن ایجنسی سے مدد طلب کر لی ہے۔
