اسلام آباد پولیس نے بڑی کارروائی کرتے ہوئے 2 بڑے منشیات فروشوں کو گرفتار کر لیا ہے۔
اسلام آباد پولیس کے ترجمان کے مطابق پولیس کی ‘نشہ اب نہیں’ مہم کے دوران تھانہ کورال یہ کارروائی ہیومن انٹیلیجنس کی مدد سے کی گئی تھی۔
یہ بھی پڑھیں: اسلام آباد پولیس کی کارروائیاں: 10 دنوں میں 506 گرفتار، منشیات و اسلحہ برآمد
جس میں بڑے ڈرگ ڈیلرز محمد نبی اور میانداد خان کو گرفتار کیا گیا، گرفتار ملزمان سابقہ ریکارڈ یافتہ منشیات فروش ہیں۔
اسلام آباد پولیس کی “نشہ اب نہیں” تحریک کے تسلسل میں بڑی کامیابی۔
تھانہ کورال پولیس نے دو بڑے منشیات ڈیلر گرفتار کر کے 04 کلو گرام سے زائد چرس برآمد کر لی۔
اسلام آباد پولیس کی منشیات کے ناسور کے خاتمے تک کارروائیاں جاری رہیں گی۔ ایس ایس پی آپریشنز اسلام آباد قاضی علی رضا… pic.twitter.com/D64gp1K2qX
— Islamabad Police (@ICT_Police) May 25, 2026
پولیس نے ملزمان کے قبضے سے 4 کلو گرام سے زائد چرس برآمد کر لی ہے۔
ابتدائی کارروائی کے بعد دونوں ملزمان کے خلاف مقدمات درج کر لیے گئے ہیں جبکہ مزید تفتیش جاری ہے۔
مزید پڑھیں: اسلام آباد ٹریفک پولیس نے ایک ہفتے میں کتنی گاڑیوں کے چالان کیے؟
اسلام آباد پولیس نے واضح کیا ہے کہ منشیات کے خلاف مہم ‘نشہ اب نہیں’ کے تحت کارروائیاں بلا تعطل جاری رہیں گی تاکہ اس ناسور کا مکمل خاتمہ کیا جا سکے۔
ایس ایس پی آپریشنز اسلام آباد قاضی علی رضا نے کہا ہے کہ پولیس منشیات فروشوں کے خلاف زیرو ٹالرنس پالیسی کے تحت کارروائی جاری رکھے گی۔
