وزیراعظم محمد شہباز شریف نے کویت کے ولی عہد شیخ صباح الخالد الحمد المبارک الصباح سے ٹیلیفون پر گفتگو کی، جس میں دونوں رہنماؤں نے عید الاضحیٰ کی مبارکباد کا تبادلہ کیا اور خطے کی صورتحال سمیت باہمی تعلقات پر تبادلہ خیال کیا۔
Lahore : 27 May, 2026.
Telephonic Conversation between the Prime Minister of Pakistan and Crown Prince of Kuwait.
Prime Minister Muhammad Shehbaz Sharif held a telephone conversation this evening, with His Highness Sheikh Sabah Al Khaled Al Hamad Al Mubarak Al Sabah, Crown… pic.twitter.com/GiaCgTmhPi
— Prime Minister's Office (@PakPMO) May 27, 2026
وزیراعظم شہباز شریف نے کویت کے ولی عہد شیخ صباح الخالد الحمد المبارک الصباح سے خوشگوار اور دوستانہ ماحول میں ٹیلیفونک گفتگو کی۔ اس دوران دونوں رہنماؤں نے ایک دوسرے کو عید الاضحیٰ کی مبارکباد پیش کی اور پاکستان و کویت کے درمیان دیرینہ برادرانہ تعلقات کو مزید مضبوط بنانے کے عزم کا اظہار کیا۔
وزیراعظم نے کویت کے امیر شیخ مشعل الاحمد الجابر الصباح کے لیے نیک خواہشات اور احترام کا پیغام بھی پہنچایا۔ انہوں نے پاکستان کی جانب سے خطے میں امن کے لیے کی جانے والی کوششوں کی حمایت پر کویتی قیادت کا شکریہ ادا کیا۔
یہ بھی پڑھیں:شہباز شریف اورانور ابراہیم میں رابطہ، عید الاضحیٰ کی مبارکباد اور خطے میں امن کی صورتحال پر تبادلہ خیال
گفتگو کے دوران وزیراعظم شہباز شریف نے موجودہ تنازع کے دوران جانی و مالی نقصان پر کویت کی قیادت اور عوام سے اظہارِ یکجہتی بھی کیا۔
دونوں رہنماؤں نے خطے کی موجودہ صورتحال پر تفصیلی تبادلہ خیال کیا اور اس بات پر زور دیا کہ دیرپا امن اور استحکام کے لیے مذاکرات، سفارت کاری اور مشترکہ کوششیں ناگزیر ہیں۔
گفتگو کے اختتام پر پاکستان اور کویت کے درمیان قریبی روابط اور تعاون کو مزید فروغ دینے کے عزم کا اعادہ بھی کیا گیا۔
