بھارتی کرکٹ بورڈ (بی سی سی آئی) نے انڈین پریمیئر لیگ (آئی پی ایل) میں جدید ٹیکنالوجی سے لیس اسمارٹ سن گلاسز کے استعمال پر پابندی عائد کردی ہے۔ بھارتی میڈیا رپورٹس کے مطابق اینٹی کرپشن یونٹ کی جانب سے تمام فرنچائزز کو خصوصی ہدایات جاری کی گئی ہیں تاکہ میچز کے دوران کسی بھی ممکنہ بدعنوانی یا معلومات کے غلط استعمال کو روکا جاسکے۔
The BCCI’s Anti-Corruption Unit has barred the usage of smart sunglasses by players and match officials in the ongoing IPL, citing its advanced communication features which allow live streaming and video calling through mobile data or Wi-Fi networks.https://t.co/Rf0BHrApj8
— The Siasat Daily (@TheSiasatDaily) May 29, 2026
رپورٹس کے مطابق کھلاڑیوں، ٹیم آفیشلز اور میچ حکام کو ہدایت دی گئی ہے کہ وہ اسمارٹ سن گلاسز استعمال نہ کریں، جبکہ خلاف ورزی کی صورت میں کارروائی بھی کی جاسکتی ہے۔
یہ بھی پڑھیں:ویرات کوہلی ٹریوس ہیڈ سے مصافحہ نہ کرنے پر تنقید کی زد میں
بھارتی میڈیا کا کہنا ہے کہ بی سی سی آئی کی ایڈوائزری میں واضح کیا گیا ہے کہ اسمارٹ گلاسز میں لائیو اسٹریمنگ، ویڈیو کالنگ، میسجنگ اور جدید کمیونیکیشن فیچرز موجود ہوتے ہیں، جو میچز کی سیکیورٹی اور اینٹی کرپشن پروٹوکول کے لیے خطرہ بن سکتے ہیں۔
Anti-Corruption Unit bans use of smart sunglasses in fresh advisory to IPL franchises ahead of Qualifier 2#IPL2026 #RRvsGT https://t.co/TxB86qGuYV
— Sports Tak (@sports_tak) May 29, 2026
یاد رہے کہ رواں ماہ بی سی سی آئی نے آئی پی ایل 2026 کے لیے مزید سخت ضابطے بھی متعارف کروائے تھے۔ بھارتی میڈیا کے مطابق بورڈ کے سیکریٹری دیواجیت سیکیا نے تمام 10 فرنچائزز کو سات صفحات پر مشتمل ہدایات نامہ ارسال کیا تھا، جس میں کھلاڑیوں اور ٹیم انتظامیہ کے لیے سخت نگرانی اور قواعد کا ذکر کیا گیا۔
