بھارتی کرکٹ اسٹار ویرات کوہلی انڈین پریمیئر لیگ 2026 کے ایک میچ کے بعد آسٹریلوی بلے باز ٹریوس ہیڈ سے ہاتھ نہ ملانے کے واقعے پر عالمی ذرائع ابلاغ اور سوشل میڈیا پر شدید تنقید کی زد میں آ گئے ہیں۔
بین الاقوامی میڈیا رپورٹس کے مطابق رائل چیلنجرز بنگلورو اور سن رائزرز حیدرآباد کے درمیان میچ کے اختتام پر روایتی مصافحہ لائن میں ویرات کوہلی نے کئی کھلاڑیوں سے ہاتھ ملایا، تاہم وہ ٹریوس ہیڈ کے سامنے سے بغیر مصافحہ کیے آگے بڑھ گئے، حالانکہ آسٹریلوی بلے باز نے ہاتھ آگے بڑھا رکھا تھا۔
یہ بھی پڑھیں:ویرات کوہلی پر الزامات لگانے کے لیے رقم کی پیشکش ہوئی، خاتون انفلوئنسر کا دعویٰ
واقعے کی ویڈیو سوشل میڈیا پر وائرل ہونے کے بعد مداحوں کی بڑی تعداد نے کوہلی کے رویے کو غیر کھیل روح کے منافی قرار دیا۔ کئی صارفین نے کہا کہ میدان میں جارحانہ انداز ایک الگ چیز ہے، لیکن میچ کے بعد کھلاڑیوں کے درمیان احترام کا مظاہرہ بھی کھیل کی روایت کا حصہ ہوتا ہے۔
विराट कोहली और ट्रैविस हेड के बीच के विवाद में अब अमेरिकन रैप सिंगर फंस गया है!
दरअसल विराट कोहली के फैंस Travis Head की जगह पर Travis Scott को गालियां दे रहे है!
विराट कोहली ने मैच के बाद ट्रैविस हेड से हाथ मिलाने से मना कर दिया था!
जिसके बाद से यह मामला अब सोशल मीडिया पर… pic.twitter.com/Ahrtz95yk6
— SHARAD YADAV (@SharadYadav31) May 24, 2026
برطانوی اور بھارتی کھیلوں کے ذرائع ابلاغ نے بھی اس واقعے کو نمایاں انداز میں رپورٹ کیا جبکہ متعدد تجزیہ کاروں نے کہا کہ میچ کے دوران دونوں کھلاڑیوں کے درمیان تلخ جملوں کا تبادلہ دیکھنے میں آیا تھا۔
میچ میں پیٹ کمنز کی قیادت میں سن رائزرز حیدرآباد نے 255 رنز بنائے جبکہ رائل چیلنجرز بنگلورو ہدف کے تعاقب میں 200 رنز تک محدود رہی۔ ویرات کوہلی صرف 15 رنز بنا سکے۔
سوشل میڈیا پر بعض صارفین نے کوہلی کے رویے کو ’غیر ضروری غرور‘ قرار دیا جبکہ کچھ مداحوں نے ان کا دفاع کرتے ہوئے کہا کہ میدان میں جذباتی ماحول کے باعث ایسے لمحات پیدا ہو جاتے ہیں۔
