اسلام آباد کے تھانہ سبزی منڈی کے علاقہ آئی-10 ون میں ایک گھر میں سلنڈر دھماکے کے نتیجے میں دو افراد جاں بحق اور متعدد زخمی ہو گئے، واقعے کے بعد علاقے میں خوف و ہراس پھیل گیا۔
اسلام آباد ،تھانہ سبزی منڈی کے علاقہ آئی ٹین ون گھر میں سلنڈر دھماکہ سے 2 افراد جاں بحق جبکہ 3 افراد زخمی ہو گئے ،زخمیوں کو طبی امداد کیلئے ہسپتال منتقل کر دیا گیا، دھماکہ سے گھر میں آگ لگ گئی
اسلام آباد انتظامیہ کی غفلت کی وجہ سے وفاقی دارالحکومت میں ناقص سلینڈر کی بھرمار ہے جس… pic.twitter.com/l5pjKou2o2— ijaz cheema (@chemajournalist) May 29, 2026
اسلام آباد کے سیکٹر آئی-10 میں واقع ایک رہائشی گھر میں سلنڈر دھماکے کے نتیجے میں 2 افراد جاں بحق جبکہ تین زخمی ہو گئے، واقعے نے علاقے میں خوف و ہراس پھیلا دیا۔
میڈیا رپورٹ کے مطابق ریسکیو حکام کا کہنا ہے کہ سلنڈر دھماکے کے باعث گھر میں آگ بھڑک اٹھی جس کے نتیجے میں مجموعی طور پر 5 افراد جھلس کر زخمی ہوئے جنہیں فوری طور پر اسپتال منتقل کیا گیا۔
یہ بھی پڑھیں:چمن: طور پل میں گیس سلنڈر دھماکا، بچوں سمیت 7 افراد جاں بحق، 25 زخمی
ابتدائی معلومات کے مطابق گھر کے فرسٹ فلور پر کچن میں گیس لیکیج کے باعث سلنڈر پھٹا، جس کے بعد فائر بریگیڈ کے عملے نے بروقت پہنچ کر آگ پر قابو پا لیا۔
