وفاقی دارالحکومت اسلام آباد کے علاقے بہارہ کہو کے اٹھال چوک میں ایک افسوسناک ٹریفک حادثہ پیش آیا، جہاں ایک تیز رفتار کار بے قابو ہو کر دو گاڑیوں اور متعدد موٹر سائیکلوں سے جا ٹکرائی۔
میڈیا رپورٹس کے مطابق حادثے کے نتیجے میں 4 افراد موقع پر ہی جاں بحق جبکہ 4 افراد زخمی ہو گئے۔ زخمیوں کو فوری طور پر قریبی اسپتال منتقل کر دیا گیا جہاں انہیں طبی امداد فراہم کی جا رہی ہے۔
یہ بھی پڑھیں:اسلام آباد کلب روڈ پر حادثہ، کار سوار جاں بحق، 7 افراد زخمی
پولیس نے بتایا کہ حادثے کے بعد گاڑی کا ڈرائیور موقع سے فرار ہونے میں کامیاب ہو گیا، تاہم گاڑی کو تحویل میں لے لیا گیا ہے اور واقعے کی مزید تحقیقات جاری ہیں۔
ابتدائی معلومات کے مطابق تیز رفتاری حادثے کی ممکنہ وجہ بتائی جا رہی ہے، تاہم حتمی حقائق تحقیقات مکمل ہونے کے بعد سامنے آئیں گے۔
