آئی فون میں بڑی تبدیلیوں کی تیاری: صارفین کے لیے کیا کچھ تبدیل ہونے جارہا ہے؟

ایپل اپنے نئے موبائل آپریٹنگ سسٹم iOS 27 کی تیاری کر رہا ہے جس کے حوالے سے ابتدائی رپورٹس میں انکشاف کیا گیا ہے کہ یہ اپ ڈیٹ بنیادی طور پر کارکردگی میں بہتری، بیٹری ایفیشنسی اور مصنوعی ذہانت (AI) کے گہرے انضمام پر مرکوز ہوگی۔

رپورٹس کے مطابق iOS 27 میں کسی بڑے ڈیزائن اوورہال کے بجائے سسٹم کو زیادہ تیز، ہموار اور مستحکم بنانے پر توجہ دی جا رہی ہے جبکہ ایپل کے تمام پلیٹ فارمز بشمول iPadOS، macOS، watchOS، tvOS اور visionOS میں بھی اسی طرز کی بہتریاں متوقع ہیں۔

یہ بھی پڑھیں: آئی فون صارفین کیلئے خوشخبری، آئی او ایس 26 کے پوشیدہ فیچرز سامنے آگئے

ایپل کی روایتی اپ ڈیٹ حکمت عملی کے مطابق iOS 27 کی ممکنہ ریلیز ٹائم لائن درج ذیل ہو سکتی ہے

ڈیولپر بیٹا: WWDC 2026 کے فوراً بعد

پبلک بیٹا: جولائی 2026

حتمی ورژن: ستمبر 2026

یہ بھی پڑھیں: ایپل نے فولڈ ایبل آئی فون کی لانچنگ کیوں مؤخر کی؟

iOS 27 کا سب سے اہم فیچر Siri کا نیا اور جدید ورژن ہوگا جسے جنریٹو AI ٹیکنالوجی سے مزید بہتر بنایا جا رہا ہے۔ رپورٹس کے مطابق ایپل اس مقصد کے لیے گوگل کے Gemini ماڈلز کے ساتھ شراکت داری بھی کر رہا ہے۔

نئے اپ گریڈ کے بعد Siri محض کمانڈز پر عمل کرنے کے بجائے زیادہ قدرتی انداز میں گفتگو کرنے، پیچیدہ اور متعدد مراحل پر مشتمل کام انجام دینے اور بہتر سیاق و سباق سمجھنے کے قابل ہوگی۔

یہ بھی پڑھیں: ایپل کی ابتدائی 2026 لائن اپ لیک، بجٹ آئی فون سمیت کیا کچھ متوقع؟

Siri کے انٹرفیس میں بھی نمایاں تبدیلی متوقع ہے جس کے تحت روایتی ڈیزائن کی جگہ Dynamic Island پر مبنی نیا تجربہ دیا جا سکتا ہے۔

اس کے علاوہ “Search or Ask” نامی نیا فیچر بھی متعارف کرائے جانے کا امکان ہے، جو سرچ، Siri نوٹس اور ایپ شارٹ کٹس کو ایک ہی جگہ پر اکٹھا کرے گا۔

ایپل پہلی بار Siri کو ایک علیحدہ ایپ کی شکل میں بھی پیش کر سکتا ہے جو ChatGPT اور Claude جیسے جدید AI چیٹ بوٹس کی طرز پر کام کرے گی۔ اس ایپ میں طویل گفتگو، فائلز اور تصاویر اپ لوڈ کرنے اور چیٹ ہسٹری کو خودکار طور پر حذف کرنے جیسے فیچرز شامل ہونے کی توقع ہے۔

یہ بھی پڑھیں: فولڈ ہوجانے والا آئی فون سال رواں میں لانچ ہوگا، ایپل کمپنی کہاں تانک جھانک کر رہی ہے؟

iOS 27 میں AI پر مبنی ویب سرچ متعارف کرانے کا بھی امکان ہے جو روایتی سرچ کے بجائے گفتگو کی طرز پر نتائج فراہم کرے گی۔

اس کے علاوہ Siri صارف کی عادات اور ڈیٹا کو سمجھ کر پہلے سے تجاویز دینے کی صلاحیت بھی حاصل کرے گی، جیسے سفر کے لیے وقت سے پہلے الرٹ کرنا۔

رپورٹس کے مطابق iOS 27 کچھ پرانے آئی فون ماڈلز کے لیے دستیاب نہیں ہوگا، جن میں آئی فون 11 سیریز اور آئی فون SE (2nd جنریشن) شامل ہو سکتے ہیں۔ ایپل عام طور پر تقریباً سات سال تک ڈیوائسز کو بڑے سافٹ ویئر اپ ڈیٹس فراہم کرتا ہے۔

یہ بھی پڑھیں: آئی فون 17 پاکستان میں اب بغیر سود کے قسطوں پر بھی ممکن، مگر کیسے؟

نئی اپ ڈیٹ میں متعدد ایپلی کیشنز میں بھی بہتری متوقع ہے:

کیمرہ: مکمل کسٹمائزیشن اور ریئل ورلڈ AI فیچرز

فوٹوز: AI ایڈیٹنگ ٹولز جیسے Enhance، Extend اور Reframe

رائٹنگ ٹولز: بہتر گرامر اور اسسٹڈ رائٹنگ فیچرز

شارٹ کٹس: قدرتی زبان میں آٹومیشن بنانے کی سہولت

والٹ: ڈیجیٹل پاس اور بل شیئرنگ فیچرز

کیلنڈر: مکمل نیا ڈیزائن

ذرائع کے مطابق iOS 27 کو ایپل کے ممکنہ پہلے فولڈ ایبل آئی فون کے لیے بھی تیار کیا جا رہا ہے جس میں ملٹی ونڈو اور بہتر ملٹی ٹاسکنگ فیچرز شامل ہوں گے۔

مجموعی طور پر iOS 27 کو ایک ’ریفائنمنٹ اپ ڈیٹ‘ کے طور پر دیکھا جا رہا ہے جس کا مقصد نئے فیچرز کے بجائے موجودہ سسٹم کو زیادہ مستحکم، تیز اور ذہین بنانا ہے۔