نائب وزیراعظم اور وزیر خارجہ سینیٹر اسحاق ڈار نے یورپی یونین کی خارجہ امور کی نمائندہ اور نائب صدر کاجا کالس سے امریکا اور ایران کے درمیان حالیہ پیش رفت پر گفتگو کی ہے۔
ترجمان دفتر خارجہ کے مطابق دونوں رہنماؤں نے امریکا ایران معاملات میں جاری سفارتی کوششوں اور حالیہ پیشرفت پر تبادلہ خیال کیا۔ اس دوران دونوں جانب سے مسلسل سفارتی رابطوں کے نتیجے میں ہونے والی پیش رفت کا خیرمقدم کیا گیا۔
یہ بھی پڑھیں:پاکستانی سفارتکاری رنگ لے آئی، اسحاق ڈار نے اہم پیشرفت کی تصدیق کر دی
بیان کے مطابق پاکستان اور یورپی یونین نے امید ظاہر کی کہ یہ سفارتی کوششیں جلد ایک پائیدار مفاہمت اور پرامن حل کی جانب پیش رفت کا باعث بنیں گی۔
دونوں فریقوں نے اس بات پر اتفاق کیا کہ تنازعات کے حل اور خطے میں دیرپا امن و استحکام کے فروغ کے لیے مذاکرات اور سفارت کاری ہی مؤثر راستہ ہیں۔
دفتر خارجہ کے مطابق یہ رابطہ 12 جون 2026 کو اسلام آباد میں ہوا۔
