اسلام آباد: حکومت نے پیٹرول اور ڈیزل کی قیمتوں میں کمی کے بعد جیٹ فیول کی قیمت میں بھی نمایاں کمی کر دی ہے۔
میڈیا رپورٹ کے مطابق جیٹ فیول کی قیمت میں 56 روپے 97 پیسے کی بڑی کمی کی گئی ہے، جس کے بعد نئی قیمت 238 روپے 87 پیسے فی لیٹر مقرر ہو گئی ہے۔
یہ بھی پڑھیں:پیٹرولیم مصنوعات سستی ہوتے ہی مریم نواز کا کرایوں میں کمی کا حکم، عوام کو ریلیف پہنچانے پر زور
ذرائع کے مطابق جیٹ فیول کی قیمت میں کمی کے بعد فضائی سفر کے کرایوں میں کمی کا امکان ظاہر کیا جا رہا ہے، جس سے مسافروں کو ریلیف ملنے کی توقع ہے۔
یاد رہے کہ اس سے قبل حکومت نے پیٹرول کی قیمت میں 74 روپے 28 پیسے جبکہ ڈیزل کی قیمت میں 67 روپے 31 پیسے فی لیٹر کمی کی تھی۔
