آزاد کشمیر میں عام انتخابات 2026 کے لیے کاغذات نامزدگی جمع کرانے کا مرحلہ مکمل ہوگیا، مجموعی طور پر 45 انتخابی حلقوں سے 1265 امیدواروں نے اپنے کاغذات جمع کرا دیے ہیں۔
مظفرآباد سے الیکشن کمیشن کی جانب سے جاری کردہ اعداد و شمار کے مطابق آزاد کشمیر کے 33 عام حلقوں میں 1047 امیدواروں نے کاغذات نامزدگی جمع کرائے، جبکہ مہاجرین کے لیے مختص 12 نشستوں پر 218 امیدواروں نے انتخابی عمل میں حصہ لینے کے لیے اپنے کاغذات جمع کرائے ہیں۔
واضح رہے کہ آزاد کشمیر میں عام انتخابات 27 جولائی 2026 کو ہونے جا رہے ہیں، جس کے لیے انتخابی سرگرمیاں شروع ہو چکی ہیں۔
آزاد کشمیر کے آئندہ عام انتخابات میں مسلم لیگ ن اور پاکستان پیپلز پارٹی کے درمیان کڑے مقابلے کا امکان ہے۔
