معروف گلوکار عاطف اسلم کی ایک ویڈیو سوشل میڈیا پر تیزی سے وائرل ہو رہی ہے جس میں انہیں ایک کیفے میں نماز ادا کرتے ہوئے دیکھا جا سکتا ہے۔
وائرل ویڈیو میں عاطف اسلم انتہائی سکون کے ساتھ نماز ادا کر رہے ہیں۔ ان کے اس عمل نے سوشل میڈیا صارفین کی توجہ اپنی جانب مبذول کرا لی ہے اور مختلف حلقوں میں اس پر تبصرے کیے جا رہے ہیں۔
View this post on Instagram
بیشتر صارفین نے عاطف اسلم کے اس طرزِ عمل کو سراہتے ہوئے اسے دین سے وابستگی اور مذہبی فرائض کو ترجیح دینے کی خوبصورت مثال قرار دیا۔ تاہم بعض صارفین نے ویڈیو پر تنقیدی رائے بھی دی اور اسے محض تشہیر یا دکھاوا قرار دیا۔
یہ بھی پڑھیں: نیا البم کب آئے گا؟ عاطف اسلم نے بڑا اعلان کردیا
دوسری جانب متعدد صارفین نے اس تنقید سے اختلاف کرتے ہوئے مؤقف اختیار کیا کہ کسی شخص کی نیت کا فیصلہ کرنا مناسب نہیں۔ ان کا کہنا تھا کہ ویڈیو میں عاطف اسلم جس طرح نماز ادا کر رہے ہیں اس سے اندازہ ہوتا ہے کہ وہ محض کیمرے کے لیے نہیں بلکہ معمول کے مطابق عبادت کر رہے ہیں۔
عاطف اسلم کی اس ویڈیو پر تبصروں کا سلسلہ بدستور جاری ہے جہاں صارفین اپنے اپنے نقطۂ نظر کا اظہار کر رہے ہیں۔
