وزیراعظم محمد شہباز شریف سے اقوام متحدہ کے سیکریٹری جنرل کے عہدے کی امیدوار ماریہ فرنینڈا ایسپینوسا نے وزیراعظم ہاؤس میں ملاقات کی، جس میں کثیرالجہتی تعاون، اقوام متحدہ کے مؤثر کردار، بین الاقوامی قانون کے احترام اور عالمی امن و خوشحالی کے فروغ پر اتفاق کیا گیا۔
یہ بھی پڑھیں: فلسطین، جموں و کشمیر کے حوالے سے اقوام متحدہ کی قراردادوں پر عملدرآمد ناگزیر ہے، اسحاق ڈار
ملاقات کے دوران وزیراعظم نے ماریہ فرنینڈا ایسپینوس کا خیرمقدم کرتے ہوئے کثیرالجہتی تعاون کے فروغ کے لیے پاکستان کے دیرینہ عزم اور اقوام متحدہ کو دی جانے والی خصوصی اہمیت کا اعادہ کیا۔
Islamabad: 6 July 2026.
Candidate for the position of United Nations Secretary-General, H.E. Ms. María Fernanda Espinosa, called on Prime Minister Muhammad Shehbaz Sharif at the Prime Minister House today.
While welcoming Ms. Espinosa, the Prime Minister expressed Pakistan’s… pic.twitter.com/aJbZoHWzs3
— Prime Minister's Office (@PakPMO) July 6, 2026
انہوں نے امید ظاہر کی کہ اقوام متحدہ کی آئندہ قیادت منشورِ اقوام متحدہ کے مقاصد اور اصولوں کی پاسداری، سلامتی کونسل کی قراردادوں پر مؤثر عمل درآمد، بین الاقوامی قوانین اور معاہدوں کے احترام اور رکن ممالک کے درمیان فعال تعاون کو فروغ دے کر عالمی امن اور خوشحالی کے لیے مؤثر کردار ادا کرے گی۔ؤ
ماریہ فرنینڈا ایسپینوس نے وزیراعظم کی میزبانی پر شکریہ ادا کرتے ہوئے حالیہ علاقائی امن کوششوں میں پاکستان کے کردار اور گزشتہ کئی دہائیوں سے اقوام متحدہ میں اس کی فعال اور مؤثر شمولیت کو سراہا۔ انہوں نے 2019 میں اقوام متحدہ کی جنرل اسمبلی کی صدر کی حیثیت سے پاکستان کے ساتھ اپنے قریبی تعاون کو بھی یاد کیا۔
