’دھاندلی کے باوجود امریکا ہار گیا‘، فیفا ورلڈ کپ میں بیلجیئم کی جیت پر سوشل میڈیا میمز سے بھر گیا

بیلجیم کی ریڈ ڈیولز نے فیفا ورلڈ کپ کے راؤنڈ آف 16 میں میزبان امریکا کو 4-1 سے شکست دے کر نہ صرف ٹورنامنٹ سے باہر کر دیا بلکہ سوشل میڈیا پر بھی جشن کا سماں باندھ دیا۔

امریکا کے ورلڈ کپ سفر کے دوران غیر ملکی ٹیموں، آفیشلز اور ریفریز کے ساتھ مبینہ ناروا سلوک جبکہ کھیل کے معاملات میں سیاسی مداخلت کے الزامات مسلسل زیرِ بحث رہے۔ اسی وجہ سے بہت سے صارفین نے بیلجیم کی فتح کو ’فیئر پلے کی جیت‘ قرار دیتے ہوئے اس پر خوشی کا اظہار کیا۔

THE USA HAVE BEEN ELIMINATED FROM THE WORLD CUP pic.twitter.com/mPHTITANvU

— Alex (@ivandemigoal) July 7, 2026

میچ سے قبل امریکی صدر ڈونلڈ ٹرمپ کی جانب سے اسٹرائیکر فولارین بالاگون کا ریڈ کارڈ واپس کروانے کی رپورٹس نے بھی شدید تنازع کھڑا کیا جس کے بعد سوشل میڈیا پر ’دھاندلی‘ اور ’ورلڈ کپ کو متاثر کرنے‘ جیسے ہیش ٹیگز اور تبصرے ٹرینڈ کرنے لگے۔

امریکا کی شکست کے ساتھ ہی ایکس، فیس بک، انسٹاگرام اور ٹک ٹاک میمز سے بھر گئے۔ کسی نے لکھا ’اب ساکر ختم، دوبارہ فٹبال شروع‘ تو کسی نے تبصرہ کیا ’ورلڈ کپ نے آخرکار میدان میں جواب دے دیا‘ کئی صارفین نے امریکی شائقین پر بھی طنز کیا کہ وہ فٹبال میں صرف اس وقت دلچسپی لیتے ہیں جب ایونٹ ان کے اپنے ملک میں ہو۔

ایک سوشل میڈیا صارف نے طنزاً لکھا کہ اچھی خبر یہ ہے کہ اب ہمیں فٹبال (ساکر) میں دلچسپی لینے کا ڈھونگ رچانے کی ضرورت نہیں رہی

The good news is that we no longer have to pretend to care about soccer

— End Wokeness (@EndWokeness) July 7, 2026

ایک اور صارف نے لکھا کہ دھاندلی کے باوجود بھی امریکا کی ٹیم فتح حاصل نہ کر سکی۔

Team USA cheated and still couldn’t win pic.twitter.com/ZccrLefQHd

— vids that go hard (@vidsthatgohard) July 7, 2026

ایک اور صارف کا کہنا تھا کہ اب دوبارہ کبھی ’ساکر‘ کا لفظ نہیں سننا چاہوں گا، یہ ’فٹبال‘ ہے۔

I don ever wanna hear the word soccer ever again, it's FOOTBALL https://t.co/RFeZDCfE4h

— SH4MR™ (@shamartTM) July 7, 2026

دوسری جانب بیلجیم شاندار انداز میں کوارٹر فائنل میں پہنچ گیا ہے جہاں 11 جولائی کو اس کا مقابلہ اسپین سے ہوگا۔