بھارت کی ریاست ہریانہ کے ضلع کیتھل میں شادی کی ایک تقریب اس وقت غیر معمولی صورتحال اختیار کر گئی جب دلہا مبینہ طور پر ایک نامعلوم شخص کی کال موصول ہونے کے بعد شادی کے منڈپ سے فرار ہوگیا۔
رپورٹس کے مطابق شادی کی رسومات جاری تھیں کہ اسی دوران دلہا کو ایک نامعلوم نمبر سے فون کال آئی۔ کال کرنے والے نے دعویٰ کیا کہ جس لڑکی سے دلہا شادی کرنے والا ہے وہ اس کی سابقہ محبوبہ ہے۔ اس نے اپنے دعوے کے ثبوت کے طور پر واٹس ایپ پر چند تصاویر بھی دلہا کو بھیجیں۔
हरियाणा के कैथल में शादी के मंडप से दूल्हा अचानक भागा, रिपोर्ट्स के अनुसार, कैथल में शादी समारोह के दौरान दूल्हे को एक अनजान नंबर से फोन आया।
कॉल करने वाले ने दावा किया कि जिस लड़की से उसकी शादी हो रही है, वह उसकी एक्स है, और कुछ फोटो भी व्हाट्सएप पर भेज दिए।
बताया जा रहा है… pic.twitter.com/dcTtjNGOJp
— Mandeep RajBhar (@MandeepRajBhar9) July 7, 2026
تصاویر دیکھتے ہی دلہا منڈپ چھوڑ کر بھاگ نکلا۔اس کے فوراً بعد دلہن، اس کے گھر والے اور دیگر لوگ اس کے پیچھے دوڑ پڑے، وائرل ویڈیو میں دلہن اور دیگر لوگ دلہے کو پکڑنے کی کوشش کرتے دکھائی دیتے ہیں۔ یہ منظر سوشل میڈیا پر تیزی سے وائرل ہو رہا ہے۔
یہ بھی پڑھیں: کیمرے کے سامنے طلاق دینے کی ویڈیو وائرل، معروف ٹک ٹاکر پر سابق اہلیہ کے سنگین الزامات
سوشل میڈیا صارفین اس پر مختلف تبصرے کرتے نظر آ رہے ہیں۔ کچھ لوگوں کا کہنا ہے کہ دلہے نے درست فیصلہ کیا ورنہ بعد میں پریشانی ہو سکتی تھی جبکہ دوسرے اسے اسکریپٹڈ ریل قرار دے رہے ہیں اور کہہ رہے ہیں کہ ایسا ڈرامہ صرف وائرل ہونے کے لیے بنایا گیا ہے۔ کئی صارفین نے شادی سے پہلے مکمل جانچ پڑتال کرنے کی ضرورت پر زور دیا۔
