لاس اینجلس میں کھیلے گئے فیفا ورلڈ کپ کے کوارٹر فائنل میں اسپین نے بیلجیم کو 1-2 سے شکست دے کر ٹورنامنٹ کے سیمی فائنل کے لیے کوالیفائی کرلیا ہے۔ یہ اسپین کی تاریخ میں دوسرا موقع ہے جب وہ ورلڈ کپ کے آخری 4 ٹیموں میں پہنچی ہے۔
مزید پڑھیں:کرسٹیانو رونالڈو پرتگال کو فیفا ورلڈ کپ کیوں نہ جتوا سکے؟
اس سنسنی خیز مقابلے کا فیصلہ متبادل کھلاڑی کے طور پر آنے والے میکل میرینو نے کیا، جنہوں نے کھیل کے آخری لمحات میں فاتحانہ گول اسکور کیا۔ اس فتح کے ساتھ ہی اسپین کا ناقابلِ شکست رہنے کا سلسلہ 36 میچوں تک پہنچ گیا ہے۔
After Spain’s World Cup quarter-final win over Belgium, Lamine Yamal was named Super Player of the Match. But what got him the most excited was seeing his younger brother, Keyne, on the big screen 😂❤️ pic.twitter.com/Bu7RyyzObP
— Cleverly 💐 (@Cleverlydey4u) July 10, 2026
میچ کے بہترین کھلاڑی کا ایوارڈ اسپین کے نوجوان اسٹار امین جمال (Lamine Yamal) کو دیا گیا، جنہوں نے گول نہ کرنے کے باوجود اپنی شاندار کارکردگی سے ٹیم کی کامیابی میں اہم کردار ادا کیا۔
میچ کے بعد اسپین کے کوچ لوئس ڈی لا فوینتے نے اپنی ٹیم کے عزم کی تعریف کرتے ہوئے کہا کہ انہیں اپنی ٹیم پر فخر ہے اور وہ سیمی فائنل میں فرانس کا سامنا کرنے کے لیے تیار ہیں۔ دوسری جانب، امین جمال نے گول اسکور نہ کر پانے پر تشویش کو مسترد کرتے ہوئے کہا کہ ان کی ترجیح ٹیم کی کامیابی ہے، نہ کہ ذاتی اسکورنگ۔
Mikel Merino winner goal vs Belgium | Spain 🇪🇸 Vs Belgium 🇧🇪 | 2026 FIFA World Cup#FIFAWorldCup #ESPBEL pic.twitter.com/dhOupf8yD6
— Football Extra Clips (@Tekkerzball) July 10, 2026
مزید پڑھیں:فیفا ورلڈ کپ 2026: کوارٹر فائنل میں پہنچنے والی 8 ٹیموں کی عالمی رینکنگ کیا ہے؟
واضح رہے کہ اسپین اب سیمی فائنل میں فرانس کے مدِمقابل ہوگا، جو ایک انتہائی اہم مقابلہ ثابت ہوگا۔
