بلوچستان میں منگی ڈیم پولیس اسٹیشن پر دہشتگرد حملے کے بعد شروع کیا گیا آپریشن شعبان کامیابی سے جاری ہے، جس کے دوران سیکیورٹی فورسز نے دشوار گزار پہاڑی علاقوں میں مشترکہ زمینی اور فضائی کارروائیاں کی ہیں۔
یہ بھی پڑھیں:سراج رئیسانی کی قربانی قوم کے لیے مشعلِ راہ ہے، دہشتگرد امن و استحکام کا راستہ نہیں روک سکتے : سرفراز بگٹی
وزیراعلیٰ بلوچستان میرسرفراز بگٹی نے سوشل میڈیا سائٹ ایکس پر بتایا کہ پاک فوج، فرنٹیئر کور اور بلوچستان پولیس کی مشترکہ کارروائیوں کے نتیجے میں آپریشن شعبان کے دوران اب تک 39 دہشت گرد ہلاک کیے جا چکے ہیں۔
سرفراز بگٹی کے مطابق 5 جولائی سے بلوچستان کے مختلف علاقوں میں جاری انٹیلی جنس بنیادوں پر کارروائیوں میں مجموعی طور پر 75 دہشتگردوں کو ہلاک کیا جاچکا ہے۔
یہ بھی پڑھیں: دہشتگردوں کو ہر قیمت پر انجام تک پہنچایا جائے گا، وزیراعلیٰ بلوچستان سرفراز بگٹی
خضدار کے علاقے زہری میں پولیس اسٹیشن پر دہشت گردوں کا حملہ بھی ناکام بنا دیا گیا، جبکہ علاقے میں سیکیورٹی اقدامات مزید سخت کر دیے گئے ہیں۔
حکام کا کہنا ہے کہ بلوچستان میں ریاست کی رٹ ہر صورت برقرار رکھی جائے گی اور دہشت گرد عناصر کو کسی صورت اپنے مذموم مقاصد میں کامیاب نہیں ہونے دیا جائے گا۔ دہشت گرد اپنے انجام سے نہیں بچ سکتے۔
