اسرائیلی وزیراعظم بنجمن نیتن یاہو نے فٹبال ورلڈ کپ کے فائنل سے قبل ارجنٹینا کے لیے اپنی حمایت کا اظہار کر دیا ہے۔ ارجنٹینا کی ٹیم فائنل میں اسپین کے مدمقابل ہوگی۔
مزید پڑھیں:فیفا کے سنہرے جوتوں کی الف لیلیٰ
رپورٹس کے مطابق اسرائیل میں تعینات ارجنٹینا کے سفیر نے ورلڈ کپ فائنل کے موقع پر بنجمن نیتن یاہو کو ارجنٹینا کی فٹبال جرسی پیش کی، جس پر اسرائیلی وزیراعظم نے ارجنٹینا کی ٹیم کے لیے نیک خواہشات کا اظہار کیا۔
نیتن یاہو نے کہا کہ وہ ورلڈ کپ فائنل میں ارجنٹینا کو سپورٹ کر رہے ہیں اور ان کے ارجنٹینا کے صدر جاویئر میلی کے ساتھ بہترین تعلقات ہیں۔
‘You are a true friend. We’re backing Argentina. Good luck!’
PM Benjamin Netanyahu kicked a ball around with Argentina’s ambassador to Israel and sent President Javier Milei a message of support ahead of tomorrow’s World Cup final pic.twitter.com/UeDwETiG5Y
— i24NEWS English (@i24NEWS_EN) July 18, 2026
اسرائیلی وزیراعظم نے ارجنٹینا اور اسرائیل کے درمیان دوستانہ تعلقات کا بھی ذکر کیا اور کہا کہ دونوں ممالک کے درمیان قریبی روابط موجود ہیں۔
واضح رہے کہ ورلڈ کپ فائنل میں ارجنٹینا اور اسپین کے درمیان مقابلے کو دنیا بھر میں فٹبال کے شائقین بڑی دلچسپی سے دیکھ رہے ہیں، جبکہ لاطینی امریکا میں بھی ارجنٹینا کی حمایت اور مخالفت دونوں طرح کے جذبات سامنے آ رہے ہیں۔
