پاکستانی باکسر فاطمہ زہرا نے دولت مشترکہ کھیلوں (کامن ویلتھ گیمز) 2026 میں کانسی کا تمغہ جیت کر تاریخ رقم کر دی۔ وہ کامن ویلتھ گیمز کی تاریخ میں پاکستان کے لیے تمغہ جیتنے والی پہلی خاتون کھلاڑی بن گئی ہیں۔
یہ بھی پڑھیں: مشکلات کے باوجود سرگودھا کی فاطمہ زہرا نے کامن ویلتھ گیمز میں اپنی دھاک کیسے بٹھائی؟
60 کلوگرام ویٹ کیٹیگری میں حصہ لینے والی فاطمہ زہرا کا شاندار سفر سیمی فائنل میں اختتام پذیر ہوا جہاں انہیں کینیڈا کی میری باتھول الاحمدیہ کے ہاتھوں شکست کا سامنا کرنا پڑا۔ تاہم سیمی فائنل تک رسائی کے باعث انہیں کانسی کا تمغہ ملا جو گلاسگو 2026 میں پاکستان کا پہلا تمغہ بھی ہے۔
Fatima Zahra secured Pakistan's first medal at the Commonwealth Games after defeating New Zealand's Jordan Wilson 5-0 in the women's 60kg boxing quarterfinal, booking her place in the semifinals.
She thanked Allah for the achievement and said she hopes her journey inspires more… pic.twitter.com/FrROUSZwSe
— TOK Sports (@TOKSports021) July 29, 2026
فاطمہ زہرا نے کوارٹر فائنل میں نیوزی لینڈ کی جارڈن ولسن کے خلاف شاندار کھیل پیش کرتے ہوئے متفقہ 5-0 فیصلے سے کامیابی حاصل کی تھی۔ ان کی تکنیکی مہارت، جارحانہ انداز اور بہترین کارکردگی نے پاکستانی شائقین میں تاریخی تمغے کی امیدیں روشن کر دی تھیں۔
اگرچہ وہ سیمی فائنل میں فائنل تک رسائی حاصل نہ کر سکیں تاہم ان کا کانسی کا تمغہ پاکستان کی کھیلوں کی تاریخ میں ایک اہم سنگِ میل بن گیا ہے۔
مزید پڑھیے: ارشد ندیم کی قیادت میں پاکستانی دستے کی کامن ویلتھ گیمز کی رنگا رنگ افتتاحی تقریب میں شرکت
فاطمہ زہرا کی کامیابی کو پاکستان میں خواتین کے کھیلوں کے لیے ایک بڑی پیشرفت قرار دیا جا رہا ہے۔
BREAKING: Pakistan's FIRST medal at the Commonwealth Games 2026 belongs to Fatima Zahra! 🥉🇵🇰
The young boxer settled for bronze after semi-final defeat to Canada's Marie-Bathoul Al-Ahmadieh in the women's 60kg category.
A star for the future. What an achievement! pic.twitter.com/z0wrns0xZ0
— Muneeb Farrukh (@Muneeb313_) July 31, 2026
ماہرین کے مطابق یہ کامیابی ملک بھر کی نوجوان لڑکیوں کو کھیلوں خصوصاً باکسنگ میں آگے بڑھنے کی ترغیب دے گی جہاں خواتین کی نمائندگی ماضی میں محدود رہی ہے۔
فاطمہ زہرا کی تاریخی کامیابی پر سوشل میڈیا پر مبارک باد کا سلسلہ شروع ہوگیا جبکہ وزیراعظم سمیت مختلف قومی شخصیات نے بھی انہیں شاندار کارکردگی پر خراجِ تحسین پیش کیا۔
مزید پڑھیں: کامن ویلتھ گیمز: ارشد ندیم جیولن تھرو کے فائنل میں پہنچ گئے
پاکستان باکسنگ فیڈریشن نے بھی اپنے بیان میں فاطمہ زہرا کی کارکردگی کو سراہتے ہوئے کہا کہ یہ کامیابی پاکستان میں خواتین کی باکسنگ کے روشن مستقبل اور بڑھتی ہوئی صلاحیتوں کا واضح ثبوت ہے۔
