پاکستان پیپلز پارٹی (پی پی پی) کے چیئرمین بلاول بھٹو زرداری نے آزاد کشمیر میں الیکشن کے دوران ایم این اے صلاح الدین پر حملے مذاکرات کرتے ہوئے ملزمان کی گرفتاری کا مطالبہ کیا ہے۔
سماجی رابطے کی سائٹ ’ایکس‘ پر اپنے ایک بیان میں بلاول بھٹو زرداری نے کہاکہ آزاد جموں و کشمیر کے حلقہ ایل اے 31 کھاوڑہ میں پاکستان پیپلز پارٹی کے رکن قومی اسمبلی صلاح الدین جونیجو پر حملہ کیا گیا۔
آزاد جموں و کشمیر میں چوہدری لطیف اکبر کے انتخابی حلقے ایل اے 31 کھاوڑہ میں ایک اور افسوس ناک واقعے میں پاکستان پیپلزپارٹی کے رکن قومی اسمبلی صلاح الدین جونیجو پر حملہ ہوا ہے جس کی میں مذمت کرتا ہوں اور مطالبہ کرتا ہوں کہ ذمہ داروں کو فی الفور گرفتار کیا جائے، مصطفی آباد کے پولنگ…
— Bilawal Bhutto Zardari (@BBhuttoZardari) August 2, 2026
انہوں نے کہاکہ مسلم لیگ (ن) کے شرپسند عناصر جنہوں نے مصطفیٰ آباد کے پولنگ اسٹیشن پر قبضہ کر رکھا تھا، باہر نکلے اور پی پی پی کارکنوں پر براہ راست فائرنگ کردی۔
بلاول بھٹو کے مطابق ان کے کارکن مسلسل پولیس سے مدد کی اپیل کرتے رہے، تاہم انہیں بچانے کے لیے کوئی نہیں پہنچا۔
انہوں نے کہاکہ یہ صورتحال انتہائی تشویشناک ہے، کیونکہ مسلم لیگ (ن) میرٹ پر انتخابات جیتنے کی صلاحیت نہیں رکھتی، اسی لیے اس نے قابل مذمت ہتھکنڈوں کا سہارا لیا ہے۔
چیئرمین پیپلز پارٹی نے واقعے میں ملوث افراد کی فوری گرفتاری کا مطالبہ کرتے ہوئے حملے کی سخت الفاظ میں مذمت کی۔
