لیبیا سے اٹلی جاتے ہوئے یونان میں حادثے کا شکار ہونے والی کشتی میں 310 پاکستانی سوار تھے جن میں سے صرف 12 بچ سکے، یونانی حکومت نے ریسکیو آپریشن بند کرکے تمام لاپتا افراد کو مردہ قرار دے دیا ہے۔
حادثے کا شکار ہونے والے پاکستانیوں میں 135 کا تعلق آزاد کشمیر کے مختلف علاقوں سے ہے۔ یونانی حکومت کی طرف سے ریسکیو آپریشن 4 روز تک جاری رہا جس میں کسی بھی تارکین وطن کو آخری 2 دونوں میں ریسکیو نہیں کیا جا سکا۔ اس حوالے سے دنیا بھر میں افسوس کا اظہار کیا جا رہا ہے اور واقعہ کے ذمہ داران کے خلاف کارروائی کا مطالبہ بھی کیا جا رہا ہے۔
افسوسناک واقعہ پر پاکستان تحریک انصاف کے رہنما و سابق وفاقی وزیر حماد اظہر نے ٹوئیٹ کرتے ہوئے کہا کہ اتنا بڑا سانحہ پیش آیا، لیکن مسلط وزیراعظم نے اب تک اس پر کوئی بیان بھی نہیں دیا۔ پی ڈی ایم حکومت کے نزدیک عام پاکستانی کی کوئی حیثیت نہیں، اس سے ان کا جمہوری حق، انسانی حقوق، معاشی مستقبل اور تمام امیدیں چھین لیں صرف اس لیے کے خود اقتدار سے چمٹے رہیں۔
اتنا بڑے سانح پیش آیا۔ لیکن مسلط وزیراعظم نے اب تک اس پر کوئی بیان بھی نہیں دیا۔ پی ڈی ایم حکومت کے نزدیک عام پاکستانی کی کوئی حیثیت نہیں۔ اس سے اس کا جمہوری حق، انسانی حقوق، معاشی مستقبل اور تمام امید چھین لی صرف اس لئے کے خود اقتدار سے چمٹے رہیں۔ pic.twitter.com/t6tk6Pxk7L
— Hammad Azhar (@Hammad_Azhar) June 18, 2023
جبکہ اس واقعہ پر وزیراعظم میاں شہباز شریف حماد اظہر کی ٹوئیٹ سے 22 گھنٹے قبل نہ صرف افسوس کا اظہار کر چکے تھے بلکہ اس واقعے کی انکوائری کا حکم بھی دے چکے تھے۔
My thoughts and prayers are with the bereaved families who lost their loved ones in the unfortunate ferry disaster in the Mediterranean Sea off the coast of Greece. Our Embassy in Athens has identified 12 Pakistanis rescued by Hellenic Coast Guard. The Embassy is in contact with…
— Shehbaz Sharif (@CMShehbaz) June 17, 2023
حماد اظہر کے ٹوئیٹ کو سوشل میڈیا صارفین نے آڑے ہاتھوں لے لیا ہے اور حماد اظہر کو شدید تنقید کا نشانہ بنا رہے ہیں۔ ایک صارف نے ٹوئیٹ میں لکھا کہ بیان بھی دیا جا چکا ہے اور متعلقہ محکمے لاشوں اور زخمیوں کی شناخت اور واپسی کے لیے متحرک بھی ہیں۔ لیلیٰ صبا نامی ٹوئٹر صارف نے حماد اظہر کو تنقید کا نشانہ بناتے ہوئے لکھا کہ ’فیک نیوز پہ پراپیگنڈا کرنا پی ٹی آئی کی حکومت گرنے کا سب سے بڑا سبب تھا، اس واقعہ پر ایک دوسرے پر تنقید نہیں بنتی مگر اس واقعہ پر شہباز شریف 22 گھنٹے پہلے اظہارِ افسوس کرچکے ہیں۔ آپ کو جس نے بھی یہ ٹوئیٹ کرنے کا مشورہ دیا ہے وہ آپ کا دشمن ہے۔‘
فیک نیوز پہ پراپیگنڈہ کرنا پی ٹی آئی کی حکومت گرنے کا سب سے بڑا سبب تھا، اس واقعہ پر ایک دوسرے پر تنقید نہیں بنتی مگر اس واقعہ پر شہباز شریف بائیس گھنٹے پہلے اظہار افسوس کر چکے ہیں، آپ کو جس نے بھی یہ ٹویٹ کرنے کا مشورہ دیا ہے وہ آپکا دشمن ہے
— Laila Sabha (@LailaSabha) June 18, 2023
مسعود شیخ نے شہباز شریف کی ٹوئیٹ کا لنک شیئر کیا اور لکھا کہ ارسطو کے بچے یہ پڑھ لے:
ارسطو کے بچے یہ پڑھ لے https://t.co/a2mYpEJKza
— Masood Sheikh (@masoodsheikh78) June 18, 2023
خیال رہے کہ کچھ روز پہلے بھی لیبیا میں کشتی ڈوبنے سے 17 پاکستانی اپنی زندگیوں سے ہاتھ دھو بیٹھے تھے۔
