وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا۔
پیٹرولیم ڈویژن سے جاری نوٹیفکیشن کے مطابق پیٹرول ایک روپے 70 پیسے فی لیٹر سستا کیا گیا ہے، جبکہ ہائی اسپیڈ ڈیزل کی قیمت میں ایک روپے 39 پیسے کا اضافہ کیا گیا ہے۔
نوٹیفکیشن کے مطابق پیٹرول کی نئی قیمت 325 روپے 92 پیسے ہوگئی ہے، جبکہ ہائی اسپیڈ ڈیزل 282 روپے 25 پیسے فی لیٹر میں دستیاب ہوگا۔
واضح رہے کہ مشرق وسطیٰ کی موجودہ صورتحال کے باعث حکومت نے پیٹرولیم مصنوعات کی قیمتوں کے روزانہ کی بنیاد پر تعین کا فیصلہ کیا ہے، تاہم ہفتہ اور اتوار کو قیمتوں میں کوئی تبدیلی نہیں کی جاتی۔
