پاکستان کے کپتان اور اسٹار بلے باز بابر اعظم انگلینڈ کے خلاف تین ٹیسٹ میچوں کی سیریز کا پہلا میچ نہیں کھیلیں گے۔ قومی ٹیم کے ہیڈ کوچ سرفراز احمد نے منگل کو تصدیق کردی کہ بابر اعظم بدھ سے لیڈز میں شروع ہونے والے پہلے ٹیسٹ کے لیے دستیاب نہیں ہوں گے۔
یہ بھی پڑھیں: دورہ انگلینڈ میں بابر اعظم کو میڈیا سے دور رکھا جائے، راشد لطیف کا پی سی بی کو مشورہ
سرفراز احمد کے مطابق بابر اعظم کی عدم موجودگی میں سلمان علی آغا پہلے ٹیسٹ میں پاکستان کی قیادت کریں گے۔
میچ سے قبل پریس کانفرنس میں سرفراز احمد نے بتایا کہ بابر اعظم اس وقت تکلیف میں ہیں اور ٹیم کی طبی ٹیم ان کی حالت کا جائزہ لے رہی ہے۔
انہوں نے کہا کہ انہیں درد ہے اور طبی ٹیم ان کا معائنہ کررہی ہے اور امید ہے کہ وہ دوسرے ٹیسٹ کے لیے دستیاب ہوں گے۔
مزید پڑھیے: انجری نے بابر اعظم کی انگلینڈ کے خلاف پہلے ٹیسٹ میں شرکت مشکوک بنا دی
بابر اعظم کی انجری گزشتہ ہفتے بیکنہم میں پروفیشنل کاؤنٹی کلب سلیکٹ الیون کے خلاف پاکستان کے تین روزہ پریکٹس میچ کے دوران ہوئی تھی۔
واقعہ پریکٹس میچ کے 39ویں اوور کی آخری گیند پر پیش آیا جب فاسٹ بولر مینی لمزڈن کی تیز گیند بابر اعظم کی انگلی پر لگی۔
گیند لگتے ہی بابر اعظم تکلیف میں دکھائی دیے اور انہوں نے اپنا بیٹ چھوڑ دیا اور طبی عملے نے فوری طور پر ان کا معائنہ کیا۔ بعد ازاں وہ میدان سے باہر چلے گئے۔ بابر اعظم نے اس میچ میں 17 گیندوں پر صرف پانچ رنز بنائے تھے۔
مزید پڑھیں: بابر اعظم نے عمران خان کا بڑا ریکارڈ برابر، اسٹیو وا کا عالمی ریکارڈ توڑ دیا
یہ ایک ماہ کے دوران دوسرا موقع ہے جب بابر اعظم کے ہاتھ پر گیند لگی ہے۔ اس سے قبل ویسٹ انڈیز کے خلاف پاکستان کی ٹیسٹ سیریز کے دوران بھی انہیں ہاتھ پر گیند لگنے سے چوٹ آئی تھی۔
بعد ازاں پاکستان کرکٹ بورڈ نے بتایا تھا کہ احتیاطی تدبیر کے طور پر طبی ٹیم نے بابر اعظم کو پریکٹس میچ کے بقیہ حصے میں شرکت نہ کرنے کا مشورہ دیا ہے۔
انگلینڈ کے خلاف 3 ٹیسٹ میچوں کی سیریز کا آغاز 19 اگست سے ہوگا تاہم بابر اعظم کی عدم دستیابی کے باعث پاکستان کو پہلے ٹیسٹ میں اپنی ٹیم کی قیادت اور بیٹنگ لائن اپ میں اہم تبدیلی کے ساتھ میدان میں اترنا ہوگا۔
یہ بھی پڑھیے: ہیڈنگلے ٹیسٹ پر بارش کا خطرہ، پاکستان اور انگلینڈ کل پہلے میچ میں آمنے سامنے
قومی ٹیم کو امید ہے کہ بابر اعظم کی انجری زیادہ سنگین نہیں اور وہ سیریز کے دوسرے ٹیسٹ سے قبل مکمل فٹنس حاصل کرلیں گے۔
