پاکستان نے 37ویں جاپان جونیئر اوپن سکواش چیمپیئن شپ 2026 میں شاندار کارکردگی کا مظاہرہ کرتے ہوئے 2 گولڈ میڈلز اپنے نام کر لیے ہیں۔
چیمپیئن شپ میں شریک دونوں قومی کھلاڑی اپنے اپنے درجے کے مقابلوں میں فاتح رہے اور کامیابی کے جھنڈے گاڑ کر وطن واپس لوٹے۔ یحییٰ خان نے ’انڈر 17‘ جبکہ ابوبکر نے ’انڈر 11‘ کیٹیگری میں بہترین کھیل کا مظاہرہ کرتے ہوئے ٹائٹل اپنے نام کیا۔
جاپانی کورٹس میں پاکستانی کھلاڑیوں کا آؤٹ کلاس مظاہرہ
37ویں جاپان جونیئر اوپن سکواش چیمپیئن شپ 2026 کے دوران قومی کھلاڑیوں نے آغاز سے ہی جارحانہ اور معیاری کھیل کا مظاہرہ کیا۔
یہ بھی پڑھیں:ملائیشیا میں پاکستانی جوڑی کی شاندار کارکردگی، ایشین ڈبلز اسکواش چیمپیئن شپ کے فائنل میں جگہ بنا لی
’انڈر 17‘ کیٹیگری کے فائنل معرکے میں یحییٰ خان نے شاندار فتح حاصل کرتے ہوئے گولڈ میڈل اپنے نام کیا۔ دوسری جانب ‘انڈر 11’ کیٹیگری میں ابوبکر نے حریف کو مات دے کر ٹائٹل جیتا اور سنہری یادگار کے ساتھ وطن واپسی کا سفر طے کیا۔
بین الاقوامی سکواش میں گرین شرٹس کی مسلسل کامیابیاں
واضح رہے کہ جاپان میں ملنے والی اس کامیابی سے قبل بھی بین الاقوامی سطح پر پاکستانی کھلاڑی ملک کا نام روشن کرتے رہے ہیں۔
مزید پڑھیں:نیشنل جونیئر اسکواش چیمپیئن شپ: خیبر پختونخوا کے کھلاڑیوں نے میدان مار لیا
پشاور سے تعلق رکھنے والی سماعت سے محروم پاکستان کی ہونہار بیٹی ثنا بہادر نے بھی آسٹریلیا میں سکواش ٹائٹل جیت کر نئی تاریخ رقم کی تھی۔
ثنا بہادر اس سے قبل بھی آسٹریلیا ہی کے شہر میلبورن میں منعقدہ ’چیلنجر بینڈیگو اوپن سکواش‘ ٹائٹل میں کامیابی حاصل کر کے ملک و قوم کا سر فخر سے بلند کر چکی ہیں۔
