یورپی فٹبال ایسوسی ایشنز کی تنظیم یوفا کے صدر الیگزینڈر چفرین نے کہا ہے کہ اگر جیانی انفینٹینو دوبارہ فیفا کی صدارت کے لیے امیدوار بنتے ہیں تو انہیں اگلے سال مارچ میں ہونے والے انتخاب میں ممکنہ طور پر کسی حریف کا سامنا کرنا پڑے گا۔
مزید پڑھیں:’انفینٹینو کو ہٹانا بڑی غلطی ہوگی‘، امریکی صدر ڈونلڈ ٹرمپ نے فیفا کو خبردار کردیا
رائٹرز کے مطابق چفرین نے خود فیفا کی صدارت کا امیدوار بننے کے امکان کو مسترد کرتے ہوئے کہا کہ وہ یوفا میں اپنے کام سے مطمئن ہیں اور فیفا کی صدارت میں دلچسپی نہیں رکھتے۔
چفرین نے کہا کہ انفینٹینو کو عالمی فٹبال برادری، شائقین اور کھلاڑیوں میں اپنے منصوبوں کے باعث مخالفت کا سامنا ہے اور اگر وہ دوبارہ انتخاب لڑتے ہیں تو ان کے مقابلے میں امیدوار سامنے آنے کا امکان ہے۔
UEFA’s Ceferin rules out running for FIFA presidency, Infantino makes pitch to poorer associations
یوفا کے صدر نے فیفا ورلڈ کپ کے ایک حصے کو نجی سرمایہ کاروں کو فروخت کرنے کے مجوزہ منصوبے پر بھی شدید تنقید کی اور اسے یورپی سپر لیگ کے متنازع منصوبے سے بھی زیادہ نقصان دہ قرار دیا۔
مزید پڑھیں:جیانی انفینٹینو کے خلاف مہم میں حقائق کو توڑ مروڑ کر پیش کیا جارہا ہے، فیفا
رائٹرز کے مطابق انفینٹینو کی جانب سے ابھی یہ باضابطہ طور پر اعلان نہیں کیا گیا کہ وہ اگلے صدارتی انتخاب میں دوبارہ امیدوار ہوں گے۔
