تھانہ بنی گالا پولیس نے کارروائی کرتے ہوئے گھریلو چوری کی واردات میں ملوث ملزم کو گرفتار کرلیا۔
مزید پڑھیں:اسلام آباد پولیس نے اندھا قتل ٹریس کرلیا، خاتون کے قتل میں سگا باپ، سابق شوہر اور سسر گرفتار
پولیس کے مطابق گرفتار ملزم کی شناخت حبیب کے نام سے ہوئی ہے، جس نے ایک گھر میں داخل ہوکر لیپ ٹاپ، طلائی زیورات، قیمتی گھڑیاں اور دیگر اشیا چوری کی تھیں۔
اسلام آباد: تھانہ بنی گالا پولیس کی عظیم الشان کارروائی،
گھریلو چوری کی واردات میں ملوث ملزم گرفتار
گرفتار ملزم سے 06 لاکھ روپے سے زائد مالیت کا مالِ مسروقہ برآمد۔@sajidsheikh321 @fouziazaib @KulAalam pic.twitter.com/lz24cj7Vhs— Media Talk (@mediatalk922) August 25, 2026
پولیس ٹیم نے جدید ٹیکنالوجی اور انسانی ذرائع کی مدد سے ملزم کو ٹریس کرکے گرفتار کیا۔ ملزم کے قبضے سے 6 لاکھ روپے سے زائد مالیت کی قیمتی گھڑیاں، لیپ ٹاپ، طلائی زیورات اور دیگر مسروقہ اشیا برآمد کرلی گئیں۔
مزید پڑھیں:اسلام آباد میں ریٹائرڈ ایئر کموڈور عبدالسلام کی خودکشی، پولیس نے تحقیقات شروع کردیں
ایس ایس پی آپریشنز اسلام آباد قاضی علی رضا نے کہا کہ اسلام آباد پولیس جرائم پیشہ عناصر کے خلاف بڑے پیمانے پر کارروائیاں جاری رکھے ہوئے ہے۔ شہریوں کے جان و مال کا تحفظ اسلام آباد پولیس کی اولین ترجیح ہے۔
