وفاقی وزیر مملکت برائے داخلہ طلال چوہدری نے وزیر داخلہ محسن نقوی کی خصوصی ہدایت پر پمز اسپتال کا دورہ کیا۔
انہوں نے بتایا کہ پمز میں ریسکیو آپریشن مکمل کرلیا گیا ہے، جبکہ جاں بحق بچوں کی میتیں ورثا کے حوالے کردی گئیں۔
انتظامی طور پر بظاہر کوئی کوتاہی نظر نہیں آتی۔ گیٹ کیوں بند تھے اور ڈاکٹر کہاں تھے، اس کا جواب ہسپتال انتظامیہ دے گی، طلال چوہدری pic.twitter.com/PYxawI9V6f
— WE News (@WENewsPk) August 26, 2026
طلال چوہدری نے کہاکہ ریسکیو آپریشن کو بروقت اور مؤثر انداز میں مکمل کیا گیا، ریسکیو ٹیموں نے 6 سے 7 منٹ کے اندر موقع پر پہنچ کر کارروائی کا آغاز کیا۔
وزیر مملکت برائے داخلہ نے کہاکہ تمام متعلقہ انتظامی افسران ریسکیو آپریشن مکمل ہونے تک موقع پر موجود رہے۔
انہوں نے کہاکہ اندوہناک واقعے میں غفلت کے مرتکب عناصر کے خلاف سخت کارروائی کی جائے گی، واقعے میں ملوث عناصر کو قانون کے مطابق کڑی سے کڑی سزا دی جائے گی۔
طلال چوہدری کے مطابق افسوسناک واقعے کی ریسکیو مکمل رپورٹ وزیر داخلہ محسن نقوی اور وزیراعظم پاکستان کو ارسال کر دی گئی ہے۔
وزیر مملکت برائے داخلہ نے مزید کہا کہ واقعے کی تحقیقات اور ذمہ داران کے تعین کا عمل جاری ہے۔
