انگلینڈ کے اہم دورے کے لیے پاکستان مینز انڈر 19 کرکٹ اسکواڈ کو حتمی شکل دے دی گئی ہے۔ قومی جونیئر سلیکشن کمیٹی کی جانب سے اعلانیہ اسکواڈ کی قیادت فرحان یوسف کے سپرد کی گئی ہے۔
پاکستانی جونیئر ٹیم 2 ستمبر سے 16 ستمبر 2026 تک انگلینڈ کا دورہ کرے گی، جہاں دونوں ٹیموں کے درمیان ایک یوتھ ٹیسٹ اور 4 ایک روزہ (ون ڈے) میچز پر مشتمل سیریز کھیلی جائے گی۔
یہ بھی پڑھیے پاکستان انڈر 19 نے افغانستان کو 133 رنز سے شکست دیکر ٹرائی سیریز کے فائنل کے لیے کوالیفائی کر لیا
اس دورے میں متعدد نئے کھلاڑیوں کو قومی جونیئر ٹیم کی نمائندگی کا موقع مل رہا ہے، جن میں عبدالقادر کو بطور وکٹ کیپر، جہانگیر بلال، حیام خان اور علیان سلمان کو بطور آل راؤنڈر، حسنین عباس ڈار بیٹر جبکہ رضوان اللہ کو بطور فاسٹ بولر شامل کیا گیا ہے۔
یہ تمام کھلاڑی دورہ انگلینڈ کے دوران اپنا بین الاقوامی ڈیبیو کرنے کے لیے پرعزم ہیں۔
Pakistan U19 squad announced for England tour
Farhan Yousaf will lead the 15-member squad on a tour featuring one Youth Test and four Youth ODIs.
📅 2-5 Sep – Youth Test, Arundel
9 Sep – 1st ODI, Arundel
12 Sep – 2nd ODI, Guildford
14 Sep – 3rd ODI, Wormsley
16 Sep – 4th ODI,… https://t.co/pflohgG9VI— Pakistan Cricket (@TheRealPCB) August 27, 2026
اسکواڈ کے دیگر اراکین
تخلیق کار اور تجربہ کار کھلاڑیوں پر مشتمل 15 رکنی اسکواڈ میں عبدالسبحان، احمد حسین، حمزہ ظہور، محمد صیام، محمد حذیفہ، نقاب شفیق، عمر زیب اور عثمان خان بھی شامل ہیں۔
دورے کا مکمل شیڈول
پاکستان انڈر 19 کا انگلینڈ انڈر 19 کے ساتھ واحد یوتھ ٹیسٹ 2 سے 5 ستمبر تک ہوگا۔ جبکہ 4 ون ڈے میچز کی سیریز 9 تا 16 ستمبر تک ہوگی۔
یہ بھی پڑھیے انڈر 19 ورلڈ کپ: آئی سی سی نے ٹیم آف دی ٹورنامنٹ کا اعلان کردیا، پاکستانی کھلاڑی بھی شامل
پاکستان انڈر 19 کی ٹیم اتوار کے روز لاہور سے انگلینڈ کے لیے روانہ ہوگی۔ قومی جونیئر اسکواڈ سے توقع ظاہر کی جا رہی ہے کہ وہ انگلش کنڈیشنز میں شاندار کارکردگی کا مظاہرہ کرے گا۔
