وزیراعلیٰ پنجاب مریم نواز نے کہا ہے کہ پنجاب کو کسی صوبے سے نہیں بلکہ نااہلی سے خطرہ ہے۔
لندن میں صحافیوں کے سوالات پر مریم نواز نے صوبوں کی تقسیم سے متعلق بات کرنے سے گریز کیا۔
پنجاب کو نااہلی سے تھریٹ ہے ،وزیر اعلیٰ پنجاب مریم نواز شریف pic.twitter.com/Bl4WOGBkhs
— Zonia Zia (@ZoniaZia02) September 7, 2026
وزیراعلیٰ پنجاب نے کہاکہ وہ چھٹیوں پر ہیں اور وطن واپسی پر اس معاملے پر بات کریں گی۔
واضح رہے کہ مریم نواز کل اپنی بیٹی کی گریجویشن تقریب میں شریک ہوں گی۔
ملک میں اس وقت نئے صوبوں کے معاملے پر بحث جاری ہے، پیپلز پارٹی نے کھل کر اس کی مخالفت کردی ہے، جبکہ مسلم لیگ ن کے کچھ رہنماؤں کی جانب سے نئے انتظامی یونٹس کی حمایت کی جارہی ہے۔
وزیراعظم کے مشیر رانا ثنااللہ نے کہا ہے کہ نئے صوبوں کے معاملے پر ریفرنڈم کا فیصلہ وزیراعظم نہیں بلکہ پارلیمنٹ کرےگی۔
