عمران خان کی سابق اہلیہ اور ان کے بیٹوں سلیمان اور قاسم کی والدہ جمائما گولڈ اسمتھ نے وزیر دفاع خواجہ آصف کے یہودی شناخت سے متعلق بیان پر ردعمل دیتے ہوئے کہا ہے کہ ان کے مؤقف کے مطابق نہ انہیں یہودی سمجھا گیا اور نہ ہی ان کے والد یہودی تھے، جبکہ اپنے بیٹوں کو کم تر دکھانے کی کوشش میں وزیر دفاع خود ہی پھنس گئے۔
خواجہ آصف نے ایکس پر اپنی پوسٹ میں لکھا تھا کہ مرکزی یہودی روایت میں کسی شخص کی یہودی شناخت اس کی والدہ کے نسب سے طے ہوتی ہے اور اگر ماں یہودی ہو تو والد کا مذہب کچھ بھی ہو، اولاد کو یہودی تصور کیا جاتا ہے۔ انہوں نے مزید لکھا کہ یہودی روایت میں مادری نسبت کو حیاتیاتی طور پر یقینی جبکہ پدری نسبت کو امکان سمجھا جاتا ہے۔
The Defence Minister is right. It’s why I have never been considered Jewish by the Jewish community. My mother was a Church of England Protestant. And by this logic, my father was not Jewish either. His mother was a French Catholic. As ever, in attempting to undermine my sons,…
— Jemima Goldsmith (@Jemima_Khan) September 18, 2026
میڈیا رپورٹ کے مطابق خواجہ آصف کے بیان کو عمران خان کے بیٹوں کی شناخت کے تناظر میں دیکھا گیا، جس کے بعد یمائما گولڈ اسمتھ نے ایکس پر جواب دیتے ہوئے کہا کہ ’وزیر دفاع درست کہتے ہیں‘، اسی وجہ سے یہودی برادری نے انہیں کبھی یہودی نہیں سمجھا کیونکہ ان کی والدہ چرچ آف انگلینڈ سے تعلق رکھنے والی پروٹسٹنٹ تھیں۔
جمائما نے مزید کہا کہ اسی منطق کے تحت ان کے والد بھی یہودی نہیں تھے کیونکہ ان کی والدہ یعنی جمائما کی دادی فرانسیسی کیتھولک تھیں۔ انہوں نے کہا کہ ’ہمیشہ کی طرح میرے بیٹوں کو کم تر دکھانے کی کوشش میں پاکستان کے وزیر دفاع نے شرمناک اپنا ہی گول کرلیا۔‘
I just stated an interesting, rational religious principle and had no intent of targeting any individual or family. I have the utmost respect for all People of the Book — that is what Islam teaches me. If, in some quarters, the impression was taken that the tweet below was… https://t.co/3N3EY7Wldz
— Khawaja M. Asif (@KhawajaMAsif) September 18, 2026
بعد ازاں خواجہ آصف نے ایک اور ایکس پوسٹ میں وضاحت کرتے ہوئے کہا کہ انہوں نے صرف ایک ’دلچسپ اور عقلی مذہبی اصول‘ بیان کیا تھا اور ان کا مقصد کسی فرد یا خاندان کو نشانہ بنانا نہیں تھا۔ انہوں نے کہا کہ وہ تمام اہل کتاب کا بے حد احترام کرتے ہیں اور اسلام بھی یہی تعلیم دیتا ہے۔
اس معاملے پر عمران خان کے بیٹے قاسم خان نے بھی ایکس پر ردعمل دیا اور خواجہ آصف کے بیان میں پیش کی گئی منطق پر تنقید کی۔
