وزیراعظم کی ہدایت پر وفاقی وزیر اطلاعات و نشریات عطا اللہ تارڑ نے دارالعلوم حقانیہ اکوڑہ خٹک کا دورہ کیا، وزیراعظم کے کوآرڈینیٹر برائے اطلاعات و خیبر پختونخوا امور اختیار ولی خان اور رکن صوبائی اسمبلی جلال خان بھی ان کے ہمراہ تھے۔
مزید پڑھیں:قائمہ کمیٹی تنازع: عطا اللہ تارڑ کی سحر کامران سے معذرت، معاملہ خوش اسلوبی سے حل
دارالعلوم حقانیہ آمد پر قومی پیغام امن کمیٹی کے اراکین، دارالعلوم حقانیہ کے نائب مہتمم مولانا راشد الحق حقانی، جمعیت علما اسلام (س) کے امیر مولانا عبدالحق ثانی، مولانا سید محمد یوسف شاہ اور دیگر اکابرین نے وفاقی وزیر کا استقبال کیا۔ مختلف مکاتب فکر سے تعلق رکھنے والے جید علما کرام بھی اس موقع پر موجود تھے۔
وفاقی وزیر اطلاعات نے قومی پیغام امن کمیٹی کے اراکین اور علما کرام سے ملاقات کی، جس میں قیام امن، مذہبی ہم آہنگی، ملک میں امن و استحکام کے فروغ اور دہشتگردی کے خلاف قومی یکجہتی کے امور پر تبادلہ خیال کیا گیا۔
وزیراعظم کی ہدایت پر وفاقی وزیر اطلاعات و نشریات عطاء اللہ تارڑ کا درالعلوم حقانیہ اکوڑہ خٹک کا دورہ
وزیراعظم کے کوآرڈینیٹر برائے اطلاعات و خیبر پختونخوا امور اختیار ولی خان اور رکن صوبائی اسمبلی جلال خان بھی وفاقی وزیر کے ہمراہ تھے۔@KulAalam @abduljabbarisb pic.twitter.com/YIzq4s8Slv— Media Talk (@mediatalk922) September 22, 2026
عطا اللہ تارڑ نے کہا کہ امن، رواداری اور قومی یکجہتی کے پیغام کو فروغ دینا وقت کی ضرورت ہے۔ قومی پیغام امن کمیٹی قیام امن، مذہبی ہم آہنگی اور دہشتگردی کے خلاف قومی بیانیے کو مضبوط بنانے میں اپنا کردار ادا کر رہی ہے۔
وفاقی وزیر نے کہا کہ وزارت اطلاعات و نشریات قومی پیغام امن کمیٹی کے ذریعے امن و استحکام کا پیغام عوام تک پہنچا رہی ہے۔
بعد ازاں وفاقی وزیر اطلاعات اور قومی پیغام امن کمیٹی کے اراکین نے دارالعلوم حقانیہ کے مختلف حصوں کا دورہ کیا، جہاں انہیں ادارے کی تعلیمی اور دینی خدمات کے بارے میں آگاہ کیا گیا۔
مزید پڑھیں:آزاد کشمیر میں حکومت مسلم لیگ ن ہی بنائے گی، عطا اللہ تارڑ کا دعویٰ
عطا اللہ تارڑ نے دارالعلوم کے اندر تاریخی جامع مسجد عبدالحق کا بھی دورہ کیا۔ اس موقع پر شیخ الحدیث مولانا محمد ادریس ترنگزئی، مولانا حامد الحق حقانی اور مولانا سمیع الحق شہید کے درجات کی بلندی کے لیے دعا کی گئی۔
