ایپل نے مارکیٹ ویلیو کے لحاظ سے دنیا کی سب سے بڑی کمپنی ہونے کا اعزاز این ویڈیا سے واپس چھین لیا

ٹیکنالوجی کمپنی ایپل کا مارکیٹ کیپ جمعے کو 5.130 ٹریلین ڈالر تک پہنچ گیا جس کے نتیجے میں اس نے این ویڈیا کو پیچھے چھوڑ دیا۔

یہ بھی پڑھیں: ایپل کا پہلا فولڈ ایبل آئی فون لانچ ہوتے ہی مقبول، خریداروں کو ڈیلیوری کے لیےکتنا انتظار کرنا پڑے گا؟

اے آئی اخراجات کے خدشات سے پیدا ہونے والے وسیع ٹیک دباؤ کے درمیان این ویڈیا کے شیئرز میں کمی آئی۔ اس طرح ایپل نے اے آئی چپ کی چہیتی کمپنی کو دنیا کی سب سے قیمتی کمپنی کے طور پر تخت سے ہٹادیا۔

سرمایہ کاروں کے مطابق جو اے آئی ٹریڈ پر سوال اٹھانا شروع کر رہے ہیں این ویڈیا کا ٹیفلون اسٹاک شدید دباؤ میں آ گیا ہے اور پچھلے ایک ماہ کے دوران این ویڈیا کا اسٹاک 7.3 فیصد نیچے ہے جبکہ ایپل کا اسٹاک 2.5 فیصد اوپر ہے۔

بنیادی طور پر جمعرات بگ ٹیک کے لیے انڈسٹری وائیڈ ڈاؤن سائزنگ کا دن تھا جب نیسڈیک کمپوزٹ جون کے بعد سے اپنی بدترین یک روزہ گراوٹ میں تقریباً 2.5 فیصد گر گیا۔

مزید پڑھیے: ایپل کے فولڈ ایبل آئی فون ڈیو کی فروخت جمعے سے شروع، اسٹورز پر محدود تعداد میں دستیاب ہوگا

میٹا نے اپنی تیسری سہ ماہی کے نتائج میں ایک بم گرایا، جس میں بھاری اے آئی سرمایہ کاری کی وجہ سے سنہ 2012 کے بعد پہلی بار کیش فلو خسارے کا سامنا کرنا پڑا۔

مزید برآں یارک وِل آئیوز کے پارٹنر ڈین آئیوز نے ایپل پر ایک نوٹ میں کہا کہ تقریباً 375 ملین آئی فونز کے ساتھ جنہیں 4 سال سے زیادہ عرصے میں اپ گریڈ نہیں کیا گیا اور ہمیں یقین ہے کہ اپ گریڈ کی وجہ کا انتظار کرنے والے خریداروں کا پول اتنا گہرا ہے کہ ڈوؤ کی مانگ کو 2027 تک بلند رکھا جا سکے۔

مزید پڑھیں: ایپل کے نئے آئی پیڈ منی کی تفصیلات لیک، 28 اکتوبر کو متعارف کرائے جانے کا امکان

بہر حال حالیہ تبدیلی ایپل کے پہلے فولڈ ایبل آئی فون ڈوؤ کے لانچ کے ساتھ ہوئی جبکہ ایکویٹی نے مضبوطی کا مظاہرہ کیا اور تقریباً 34 کے بلند ملٹیپل کے باوجود بے مثال بلندیوں تک پہنچ گئی۔

پس منظر

ایپل کمپنی سنہ 2011 میں پہلی بار دنیا کی سب سے قیمتی کمپنی بنی تھی اور سال 2022 تک زیادہ تر وقت اسی مقام پر فائز رہی۔ اپریل 2022 میں کمپنی نے یہ اعزاز مائیکروسافٹ کے ہاتھوں گنوا دیا تھا جس کے بعد جون 2025 سے اے آئی چپ بنانے والی کمپنی این ویڈیا نے مصنوعی ذہانت کے بوم کے باعث مسلسل ٹاپ پوزیشن سنبھال لی۔

یہ بھی پڑھیے: ایپل کی نئی اسمارٹ ڈیوائسز متعارف، صارفین کو کیا نئی سہولیات ملیں گی اور قیمتیں کتنی ہوں گی؟

اکتوبر 2025 میں این ویڈیا 5 ٹریلین ڈالر مارکیٹ کیپ عبور کرنے والی دنیا کی پہلی کمپنی بھی بنی۔ تقریباً 15 ماہ بعد اب ایپل نے دوبارہ یہ ٹائٹل حاصل کر کے دنیا کی سب سے قیمتی کمپنی کا اعزاز واپس لے لیا ہے۔