وزیراعظم شہباز شریف نے کہا ہے کہ پاکستان اور ترکیہ کی تاریخی دوستی اب کثیرالجہتی اسٹریٹجک شراکت داری میں تبدیل ہوچکی ہے، دونوں ممالک کے درمیان سیاسی، تجارتی، دفاعی، تعلیمی اور ثقافتی شعبوں میں تعاون جاری ہے، تاہم اب اقتصادی تعلقات کو بھی سیاسی اور اسٹریٹجک شراکت داری کی سطح تک لے جانے کی ضرورت ہے۔
اسلام آباد میں ترکیہ کے 103ویں یوم جمہوریہ کے موقع پر ترک سفیر کی رہائش گاہ پر منعقدہ عشائیے سے خطاب کرتے ہوئے وزیراعظم نے کہا کہ مئی 2025 میں معرکۂ حق کے دوران جب پاکستان کو بھارت کی کھلی جارحیت کا سامنا تھا اور ملکی خودمختاری کو سخت آزمائش کا سامنا کرنا پڑا تو ترکیہ نے غیر متزلزل عزم اور وابستگی کے ساتھ پاکستان کا بھرپور ساتھ دیا۔
یہ بھی پڑھیں: پاک ترکیہ عدالتی تعاون میں پیشرفت، پاکستانی جوڈیشل وفد کا استنبول کا اہم دورہ
وزیراعظم شہباز شریف نے کہا کہ پاکستان اور ترکیہ کی تاریخی دوستی سیاسی مذاکرات، تجارت و سرمایہ کاری، دفاع، تعلیم، ثقافت اور عوامی سطح پر روابط سمیت متعدد شعبوں تک پھیل چکی ہے۔
انہوں نے کہا کہ 7 اگست کو پاکستان، ترکیہ اور سعودی عرب کے درمیان طے پانے والا مکہ معاہدہ دونوں ممالک کے تعلقات میں ایک اہم سنگ میل ہے۔ اس معاہدے نے اجتماعی دفاعی صلاحیت کو مضبوط کیا اور علاقائی امن و استحکام کے لیے مشترکہ عزم کی توثیق کی۔
PM Sharif addresses Turkiye’s 103rd Republic Day Ceremony https://t.co/5XRicmdAga
— Pakistan TV (@PakTVGlobal) October 29, 2026
وزیراعظم نے واضح کیا کہ دفاعی صلاحیت مضبوط بنانے کے ساتھ پاکستان مذاکرات، سفارت کاری، بین الاقوامی قانون کے احترام اور تنازعات کے پُرامن حل کی حمایت جاری رکھے گا۔
شہباز شریف نے کہا کہ پاکستان اور ترکیہ اقتصادی، تجارتی، تعلیمی، ثقافتی اور دفاعی شعبوں میں تعاون کررہے ہیں، جبکہ ترکیہ دفاعی ٹیکنالوجی سمیت مختلف شعبوں میں نمایاں کردار ادا کررہا ہے۔
انہوں نے زور دیا کہ دونوں ممالک کے اقتصادی تعلقات کو ان کے سیاسی اور اسٹریٹجک روابط کے ہم پلہ ہونا چاہیے۔ وزیراعظم نے ترک کاروباری شخصیات پر زور دیا کہ وہ پاکستان میں سرمایہ کاری کے مواقع سے فائدہ اٹھائیں۔
یہ بھی پڑھیں: پاکستان اور ترکیہ کے درمیان مختلف شعبوں میں تعاون کے وسیع مواقع موجود ہیں، ترک قونصلر جنرل
وزیراعظم نے جولائی میں استنبول میں منعقدہ پاکستان ترکیہ بزنس کانفرنس میں اپنے اعلان کا حوالہ دیتے ہوئے کہا کہ پاکستان نے ترک سرمایہ کاری کی حوصلہ افزائی کے لیے کراچی میں صدر رجب طیب اردوان خصوصی اقتصادی زون قائم کرنے کی تجویز پیش کی تھی۔
#BREAKING
Prime Minister Shehbaz Sharif says the Makkah Defence Agreement strengthens collective deterrence. Speaking at celebrations marking Turkiye’s 103rd Republic Day, he praised Ankara’s steadfast support during the May 2025 war with India and its assistance during earthquakes and floods, hailing Turkiye as an economic powerhouse.
@CMShehbaz
@TC_IslamabadBE#PMShehbazSharif #MakkahDefenceAgreement #TurkiyeRepublicDay #RepublicDay103 #PakistanTurkiye #PakistanTV
— Pakistan TV (@PakTVGlobal) October 29, 2026
انہوں نے کہا کہ پاکستان کی نوجوان آبادی، اسٹریٹجک محل وقوع اور بڑھتے ہوئے اقتصادی مواقع سرمایہ کاروں کے لیے اہم امکانات فراہم کرتے ہیں۔ وزیراعظم نے ترک کاروباری شخصیات کو پاکستان میں سرمایہ کاری اور مشترکہ منصوبوں میں حصہ لینے کی دعوت دیتے ہوئے کہا کہ دونوں ممالک کو باہمی خیرسگالی کو مشترکہ کاروباری منصوبوں، خوشحالی اور نوجوانوں کے لیے روزگار کے بامعنی مواقع میں تبدیل کرنا چاہیے۔
شہباز شریف نے اپنے خطاب کے اختتام پر کہا کہ پاکستان اور ترکی دو جسم اور ایک جان کی مانند ہیں۔
On the 103rd anniversary of the founding of the Republic of Türkiye, I extend my heartfelt felicitations to my very dear brother, President Recep Tayyip Erdoğan, the Government and the brotherly people of Türkiye.
Türkiye’s proud history, rich heritage and remarkable journey as a Republic reflect the resilience, courage and indomitable spirit of its people.
Pakistan and Türkiye share an exceptional bond of brotherhood, rooted in common history, mutual trust and unwavering solidarity.
Our enduring friendship, which continues to expand in scope and substance, transcends borders and generations, strengthened by our shared values and common aspirations.
As we join the people of Türkiye to celebrate this momentous occasion, I am confident that Pakistan and Türkiye will continue to work together to advance peace and stability in our region and beyond.
May the eternal Pakistan–Türkiye brotherhood continue to grow from strength to strength!
Yaşasın Pakistan–Türkiye Kardeşliği!
(Long live Pakistan–Türkiye brotherhood!)
@RTErdogan— Shehbaz Sharif (@CMShehbaz) October 29, 2026
اس سے قبل سماجی رابطے کی ویب سائٹ ایکس پر اپنے پیغام میں وزیراعظم نے کہا کہ پاکستان اور ترکی کے درمیان بھائی چارے کا غیر معمولی رشتہ مشترکہ تاریخ، باہمی اعتماد اور غیر متزلزل یکجہتی پر قائم ہے۔
یہ بھی پڑھیں: مکہ دفاعی معاہدہ تاریخی دستاویز، سعودی ولی عہد پاکستان کے ساتھ آہنی دیوار کی طرح کھڑے ہیں، وزیراعظم شہباز شریف
انہوں نے کہا کہ دونوں ممالک کی دیرینہ دوستی وقت کے ساتھ مزید وسیع اور مضبوط ہورہی ہے، جو سرحدوں اور نسلوں سے بالاتر ہے اور مشترکہ اقدار و مقاصد سے تقویت حاصل کرتی ہے۔ وزیراعظم نے اس اعتماد کا اظہار کیا کہ پاکستان اور ترکی خطے اور اس سے آگے امن و استحکام کے فروغ کے لیے مل کر کام جاری رکھیں گے۔
