سندھ کے ضلع جیبک آباد کے علاقے مبارک پور میں 15 سال قبل سوئی گیس منصوبے کا افتتاح تو کر دیا گیا لیکن طویل عرصہ گزرنے کے باوجود مقامی آبادی آج بھی اس بنیادی سہولت سے محروم ہے اور اس کو گھروں میں کھانا پکانے کے لیے لکڑیاں اور دیگر متبادل ذرائع استعمال کرنے پڑ رہے ہیں۔
یہ بھی پڑھیں: سکھر میں کاٹن فیکٹری کی گرد سے شہری پریشان، سندھ حکومت کی کارکردگی پر سوالات
علاقہ مکینوں کا کہنا ہے کہ مقامی نمائندے وفاقی اداروں تک رسائی نہ ہونے کا عذر پیش کرتے ہیں جبکہ منتخب ارکان اسمبلی بھی عوام کو دستیاب نہیں ہوتے۔ اس صورت حال کے باعث شہری اپنے بنیادی مسائل کے حل کے لیے دربدر کی ٹھوکریں کھانے پر مجبور ہیں۔
مزید پڑھیے: ’کراچی نہیں جا سکتے، مسائل کی شنوائی کا مقامی انتظام کیا جائے‘ سکھر کے باسیوں کا مطالبہ
مقامی آبادی کا مطالبہ ہے کہ ایسا بااختیار نظام تشکیل دیا جائے جس کے تحت بنیادی مسائل کے حل کے لیے انہیں برسوں انتظار نہ کرنا پڑے اور نہ ہی مختلف نمائندوں کے پیچھے بھاگنا پڑے۔ دیکھیے عمران ملک کی یہ ویڈیو رپورٹ۔
