انگلینڈ نے آسٹریلیا سے ایشز سریز کا تیسرا ٹیسٹ چھین لیا، دُنیائے کرکٹ میں تیز ترین 1000 رنز بنانے والے ہیری بروک نے جیت میں اہم کردار ادا کیا۔
اتوار کو انگلینڈ اور آسٹریلیا کے درمیان ایشز سیریزکا تیسرا ٹیسٹ میچ ہیڈنگلے کرکٹ گراؤنڈ میں اختتام پذیر ہوا، جس میں میزبان ٹیم انگلینڈ نے 3 وکٹوں سے جیت اپنے نام کر لی ہے۔
انگلینڈ کی ٹیم چوتھے دن کے کھیل کے 50 ویں اوور میں 251 رنز کے ہدف کا تعاقب کر رہی تھی، اس تعاقب میں اس کے 7 کھلاڑی آؤٹ ہو چکے تھے تاہم دُنیائے کرکٹ کے ٹیسٹ فارمیٹ میں سب سے تیز ترین 1000 رنز مکمل کرنے والے ہیری بروک ایک بار پھر آسٹریلیا کے آڑے آ گئے اور انہوں نے 75 رنز کی شاندار اننگز کھیل کر اپنی ٹیم کے لیے ایشز سیریز میں پہلی کامیابی دلا دی۔
Harry Brook has reached 1000 Test runs in fewer balls than any other cricketer ⚡️#ENGvAUS | #Ashes pic.twitter.com/z9QJbkC3Cm
— ESPNcricinfo (@ESPNcricinfo) July 9, 2023
انگلینڈ اور آسٹریلیا کے درمیان کھیلی جانے والی ایشز سیرز کے 3 ٹیسٹ میچزکھیلے جا چکے ہیں جن میں آسٹریلیا نے 2 میں کامیابی حاصل کی ہے جب کہ انگلینڈ کی ٹیم ایک ٹیسٹ میچ جیتنے میں کامیاب ہوئی ہے۔
انگلینڈ نے اتوار کو 251 رنز کے تعاقب میں اپنے چوتھے دن کے کھیل کا آغاز کیا تو انتہائی آسان ہدف کے باوجود انگلش کھلاڑیوں نے اپنا دفاعی انداز برقرار رکھا چوتھے دن کے دوسرے سیشن میں انگلش ٹیم نے 7 وکٹیں گنوا کر 50 اوورز کے اندر ہی میچ کو سمیٹ لیا۔
❤️ The match-winning moment…
Chris Woakes, what a man 👏 #EnglandCricket | #Ashes pic.twitter.com/hnhvEMu0jR
— England Cricket (@englandcricket) July 9, 2023
کھیل کے چوتھے دن انگلینڈ کے ہیری بروک میدان پر چھائے رہے۔ اپنی ٹیم کی فتح کو یقینی بنانے والے ہیر بروک ٹیسٹ کرکٹ میں صرف 1058 گیندوں میں تیز ترین 1000 رنز بنانے والے کھلاڑی بھی بن گئے۔
آسٹریلیا کے مچل اسٹارک انگلش بلے بازوں کے لیے جیت میں بڑی رکاوٹ بنے رہے انہوں نے 5 وکٹیں حاصل کیں، جن میں بین اسٹوکس کی ایک وکٹ بھی شامل تھی، جنہوں نے پہلی اننگز میں 80 رنز بنا کر اپنی ٹیم کو اچھے ٹوٹل تک پہنچایاتھا جب کہ مچل اسٹارک نے ہیری بروک، بین ڈکٹ اور جونی بیرسٹو کو بھی آؤٹ کیا۔
1st innings
5-34 💥
24 off 8 🏏2nd innings
2-66 💨
16 off 8 💪That is SOME return to Test cricket, Mark Wood!🔥 pic.twitter.com/Yrn05xLykF
— Sky Sports Cricket (@SkyCricket) July 9, 2023
انگلینڈ کے کرس ووکس نے 32 رنز کی اہم اننگز کھیلی اور ایک چوکا لگا کر میزبان ٹیم کی فتح پر مہر ثبت کر دی۔
انگلینڈ کے مارک ووڈ کو میچ کا بہترین کھلاڑی قرار دیا گیا کیوں کہ انہوں نے دو اننگز میں سات وکٹیں حاصل کیں اور پہلی اننگز میں صرف 8 گیندوں پر 24 رنز کی غیر معمولی اننگز بھی کھیلی، اپنے مختصر لیکن پر اثر کھیل میں انہوں نے 3 چھکے اور ایک چوکا لگایا۔ انہوں نے دوسری اننگز میں بھی 8 گیندوں پر 16 رنز بنائے۔
اولڈ ٹریفورڈ میں اگلا ٹیسٹ انتہائی دلچسپ ہو گا کیونکہ آسٹریلیا سیریز جیتنے کے لیے میدان میں بھرپور مقابلے کے لیے اترے گی جب کہ انگلش ٹیم اس بات کو یقینی بنانے کے لیے آخری حد تک جائے گی کہ وہ کہ سیریز جیتنے کی امیدیں آخری ٹیسٹ سے پہلے ہی ختم نہ ہوں۔