بلوچستان ہائیکورٹ نے پاکستان کرکٹ بورڈ ( پی سی بی ) کے انتخابات کے حوالے سے حکم امتناع واپس لے لیا۔
بلوچستان ہائی کورٹ میں چیئرمین پی سی بی کے انتخابات روکے جانے سے متعلق درخواست کی سماعت ہوئی، چیف جسٹس نعیم اخترافغان اورجسٹس عامررانا پر مشتمل بنچ نے سماعت کی، پی سی بی، وفاقی حکومت اوردرخواست گزار گل محمد کاکڑ کے وکلاء عدالت میں پیش ہوئے۔
اٹارنی جنرل رؤف عطا ایڈووکیٹ نے عدالت کو بتایا کہ وفاقی حکومت نے پی سی بی کے الیکشن کمیشن کا انتخابات کا اختیار بحال کر دیا ہے، پی سی بی کی عبوری کمیٹی روزمرہ معاملات چلا سکتی ہے۔
عدالت نے چیئرمین پی سی بی کے انتخاب کے انعقاد سے متعلق حکم امتناع واپس لے لیا اور اپنے حکم میں کہا کہ درخواست گزار کیس سے متعلق ایجوکیٹر سے رجوع کریں، مینجنگ کمیٹی بورڈ آف گورنرز نامزد نہیں کر سکتی،عدالت نے درخواست خارج کر دی۔
واضح رہے کہ گزشتہ سماعت پر بلوچستان ہائی کورٹ نے چیئرمین پی سی بی کے انتخاب پر حکم امتناعی جاری کیا تھا، آئینی درخواست گل محمد کاکڑ کی جانب سے دائر کی گئی تھی۔
