گزشتہ 2 روز کے دوران ضلع خیبراورجنوبی وزیرستان میں سیکیورٹی فورسز کی کامیاب کارروائیوں میں تین دہشت گردوں کو ہلاک کردیا گیا ہے۔
پاک فوج کے شعبہ تعلقات عامہ آئی ایس پی آر کے مطابق 27 جولائی کو ضلع خیبر علاقے باغ میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔ اپنے فوجیوں نے مؤثر طریقے سے دہشت گردوں کے ٹھکانے کا پتا لگایا۔ مقابلے میں ایک دہشت گرد مارا گیا، جس کے قبضے سے اسلحہ اور گولہ بارود بھی برآمد ہوا ہے۔
28 جولائی کو جنوبی وزیرستان کے علاقے گومل زام میں فوجیوں اور دہشت گردوں کے درمیان ایک اور شدید مقابلے میں دو دہشت گرد مارے گئے۔ علاقے میں سرچ آپریشن جاری ہے تاکہ علاقے میں موجود دیگر دہشت گردوں کو ختم کیا جا سکے۔
آئی ایس پی آر کے مطابق ہلاک کیے گئے دہشت گرد سیکورٹی فورسز کے خلاف دہشت گردی کی کارروائیوں سمیت معصوم شہریوں کے قتل میں بھی ملوث رہے ہیں۔
علاقہ مکینوں نے سیکیورٹی آپریشن کو سراہتے ہوئے دہشت گردی کی لعنت کے خاتمے کے لیے اپنے بھرپور تعاون کا اظہار کیا۔
