صدر مملکت ڈاکٹر عارف علوی نے ایران میں انقلاب کی 44ویں سالگرہ پر ایران کو مبارکباد دی۔صدر نے ایران کے اسلامی انقلاب کے رہنماء، آیت اللہ سید علی خامنہ ای کو مبارکباد کا خط لکھا۔
صدر مملکت نے ایران میں انقلاب اسلامی کی 44ویں سالگرہ کے موقع پر پاکستان کی حکومت اور عوام کی جانب سے مبارکباد کا پیغام بھیجا ۔ کہا پاکستان اور ایران کے درمیان برادرانہ تعلقات لسانی، ثقافتی اور مذہبی بنیادوں پر استوار ہیں۔
صدر نے مزید کہا پاکستان دوطرفہ تعلقات کے تمام پہلوؤں میں ان روابط کو مزید مضبوط بنانے کے لیے پرعزم ہے۔ صدر نے سید علی خامنہ ای کی صحت اور اسلامی جمہوریہ ایران کے برادر عوام کی ترقی، خوشحالی اور فلاح و بہبود کے لیے نیک تمناؤں کا اظہار کیا۔
