اب بھارت کے سرکاری ملازمین (خواتین و اکیلا مرد) بچوں اور معذور افراد کی نگہداشت کے لیے 730 دن کی چھٹی لے سکیں گے۔
بھارتی پارلیمنٹ (لوک سبھا) کے اجلا س میں وزیر مملکت جتیندر سنگھ نے تحریری جواب جمع کراتے ہوئے بتایا کہ سول سروسز کی خواتین ملازمین اور تنہا زندگی بسر کرنے والے مرد ( جس کے گھر میں بچے یا معذور افراد ہوں اور جن کی دیکھ بھال کے لیے گھر پر کوئی نہ ہو) سروس کے دوران مختلف اوقات میں کُل 730 چھٹیاں لینے کے لیے اہل ہیں۔
جتیندر سنگھ نے کہا کہ 1972 کے قاعدہ 43.C کے تحت سرکاری ملازمین(خواتین و تنہا مرد) کو بچوں اور معذور افراد کی دیکھ بھال کے لیے چھٹیوں کی حد مکمل مدت ملازمت کے دوران 730 دن ہے۔
’سرکاری ملازمین یہ چھٹیاں 18 سال سے کم عمر بچوں کی دیکھ بھال اور معذور افراد (جن کی عمر کی کوئی حد مقرر نہیں) کی دیکھ بھال کے لیے لے سکتے ہیں۔‘
