قومی کرکٹ ٹیم افغانستان کے خلاف 3 ایک روزہ بین الاقوامی میچز پر مشتمل سیریز کھیلنے سری لنکا کے دارالحکومت کولمبو پہنچ گئی۔
پاکستان کرکٹ ٹیم جمعے کو آرام کرنے کے بعد ہمبنٹوٹا جائے گی جہاں وہ 19، 20 اور 21 اگست کو پریکٹس کرے گی۔
قومی ٹیم افغانستان سے اپنا پہلا ون ڈے 22 اگست کو کھیلے گی اور اس کے اگلے روز آرام کرنے کے بعد 24 اگست کو وہیں دوسرا ایک روزہ میچ کھیلے گی جبکہ 25 اگست کو کولمبو جائے گی جہاں اس کا افغاستان کے ساتھ تیسرا ون ڈے 26 اگست کو ہوگا۔
سیریز کے تینوں میچز کھیلنے کے بعد پاکستان کی کرکٹ ٹیم 27 اگست کو وطن واپس آجائے گی۔
