کشمیر پر غیرقانونی طور پر قابض بھارتی حکومت کے لائن آف کنٹرول پر فائرنگ اور ہلاکتوں کے دعوؤں کا راز فاش ہو گیا ہے۔
گزشتہ کچھ روز سے بھارتی میڈیا کی جانب سے رپورٹس نشر کی جارہی ہیں جن کے مطابق لائن آف کنٹرول پر بھارتی فورسز دہشت گردوں کے خلاف آپریشنز میں مصروف ہیں۔
مودی حکومت کے دعوؤں کے مطابق بھارتی فورسز اور دہشت گردوں کے مابین فائرنگ کے تبادلے میں متعدد فوجی افسران اور دہشتگرد ہلاک ہو چکے ہیں۔ لائن آف کنٹرول کے گردونواح کے علاقوں میں مقیم رہائشیوں کی جانب سے حاصل کردہ وڈیوز سے بھارتی حکومت کے جھوٹے دعوؤں کی حقیقت منظر عام پر آگئی۔
مزید پڑھیں
رہائشیوں کے مطابق لائن آف کنٹرول کے دونوں اطراف میں کسی قسم کی کوئی فائرنگ یا آپریشن نہیں ہو رہا اور مکمل خاموشی ہے۔
اب بھارتی تجزیہ نگار بھی سوال اٹھا رہے ہیں کہ اگر بارڈر پر حالات اتنے ہی سنگین ہیں اور بھارتی فوجی بھی ہلاک ہورہے ہیں تو ایسی صورتحال میں مودی کس بات کا جشن مناتے پھر رہے ہیں۔
تجزیہ کار کہتےہیں کہ مودی سرکار انتخابات سے قبل سیاسی عزائم کے حصول کے لیے ایسے ہی بھونڈے حربے آزماتے رہی ہے۔ جن میں دہشتگردی کے جھوٹے الزامات پاکستان پر لگائے جاتے ہیں اور دہشتگردوں کے خاتمے کی داد مودی وصول کرتا ہے۔
ستیا پال ملک اور بھارت کے متعدد پارلیمانی لیڈرز پہلے ہی عوام کو خبردار کرچکے ہیں کہ انتخابات کے پیش نظر پلوامہ ڈرامہ جیسے کئی واقعات دوبارہ رونما ہونے والے ہیں۔
لائن آف کنٹرول پر بسنے والے رہائشی نے کہا ہے کہ ہم یہاں امن سے گھاس کاٹ رہے ہیں اور دوسری جانب بھی مال مویشی آرام سے گھوم رہے ہیں، دور دور تک کوئی فائرنگ نہیں ہو رہی۔
انہوں نے بتایا کہ اللہ کا شکر ہے کہ کوئی دہشتگردی اور فائرنگ نہیں ہورہی اور یہ سب جھوٹی افواہیں ہیں۔
