ناروے سے تعلق رکھنے والے دو ونگ سوٹ پائیلٹس ایمبر فورٹ اور ایسپن نے پاکستان میں نیا کارنامہ سرانجام دے دیا۔ دونوں پائلٹس نے ہنزہ کی وادی گوجال کے گاؤں ششکٹ میں بلند پہاڑ سے عطا آباد جھیل کے قریب چھلانگ لگائی اور ہوا میں تیرنے کا خوبصورت مظاہرہ کیا۔
ناروے کے دونوں پائلٹس نے ہنزہ کی وادی گوجال میں بلند پہاڑ سے عطا آباد جھیل کے قریب چھلانگ لگائی اور ہوا میں تیرنے کا خوبصورت مظاہرہ کرتے ہوئے عطا آباد جھیل میں کامیاب لینڈنگ کی۔ دونوں پائلٹس کے چہروں پر خوشی نمایاں تھی۔
View this post on Instagram
ایمبر فورٹ اور ایسپن نے پاکستان کو سیاحت کے اعتبار سے محفوظ اور بہترین ملک قرار دیا اور دنیا بھر سے سیاحوں کو پاکستان آنے کی دعوت دی۔ غیر ملکی پائلٹس کا کہنا تھا کہ ہنزہ کی خوبصورتی سے متاثر ہو کر پاکستان آنے کا فیصلہ کیا ہے۔
