وفاقی وزیر خارجہ بلاول بھٹو زرداری نے چیئرمین تحریک انصاف عمران خان کو پارلیمنٹ میں واپس آ کر کردار ادا کرنے کا مشورہ دے دیا۔
امریکی ٹی وی چینل سی این بی سی کو انٹر ویو دیتے ہوئے وزیر خارجہ بلاول بھٹو نے سابق وزیراعظم عمران خان کو مشورہ دیا کہ وہ پارلیمان میں واپس آئیں اور ہم سے بات کریں،اگر عمران خان جمہوری راستے پر چلنے کی کوشش کریں تو سیاست میں ان کا مستقبل ہو سکتا ہے۔
بلاول بھٹو نے کہا کہ عمران خان چاہتے ہیں کہ فوج سیاست میں کردار ادا کرے اور اقتدار میں واپسی کے لیے ان کی مدد کرے ۔
Does Imran Khan have a political future? Pakistan’s Foreign Minister @BBhuttoZardari speaks to CNBC’s @_HadleyGamble in Munich. pic.twitter.com/4876b3CPcY
— CNBC Middle East (@CNBCMiddleEast) February 19, 2023
انہوں نے کہا کہ سابق آرمی چیف نے اپنی ایک تقریر میں کہا تھا کہ فوج سیاست میں مداخلت کرتی تھی لیکن اب وہ الگ ہونا چاہتے ہیں۔ اگر فوج اپنے آئینی طور پر متنازع طرز عمل کو تبدیل کرنا چاہتی ہے تو اس کا خیر مقدم کرنا چاہیے ۔
بلاول بھٹو نے دعویٰ کیا کہ نئی عسکری اور سویلین قیادت نے عمران خان کی پالیسی پر فل اسٹاپ لگا دیا ہے۔
Pakistan’s Foreign Minister @BBhuttoZardari tells CNBC’s @_HadleyGamble his country is “facing a perfect storm.” pic.twitter.com/Mk9EFEmRM6
— CNBC Middle East (@CNBCMiddleEast) February 19, 2023
بلاول بھٹو نے تحریک انصاف پر الزام لگایا کہ وہ بغیر کسی پیشگی شرط کے دہشت گردوں کے ساتھ مذاکرات کر رہی تھی، عمران حکومت کی پالیسی دہشت گردوں کو خوش کرنے کی تھی۔
بلاول بھٹو نے جرمن ادارے ڈی ڈبلیو کو دیے گئے انٹرویو میں کہا کہ ہمسایہ ملک میں دہشت گردوں کے خلاف کارروائی نہ ہوئی تو پاکستان میں سیکیورٹی رسک ہائی رہے گا۔ ایسی تنظیموں سے بات چیت پاکستان کے مفاد میں نہیں۔
پاکستان کے وزیر خارجہ بلاول بھٹو زرداری نے کہا ہے کہ ٹی ٹی پی سے تعاون جاری رکھنے والا ملک پاکستان کا دوست نہیں ہو سکتا۔
انہوں نے میونخ میں ڈی ڈبلیو اردو سے خصوصی گفتگو کی۔ pic.twitter.com/oZEMdXjRrc— DW اردو (@dw_urdu) February 20, 2023
انہوں نے مزید کہا کہ ٹی ٹی پی سے تعاون جاری رکھنے والا ملک پاکستان کا دوست نہیں ہو سکتا۔ امید ہے افغانستان ان تنظیموں کے خلاف ایکشن لے گا۔
