پاکستان کی قومی کرکٹ ٹیم کے کھلاڑیوں نے سوشل میڈیا پر فلسطینی پرچم کی تصاویر لگا کر اسرائیلی مظالم کا شکار غزہ کے شہریوں سے یکجہتی کا اظہار کیا ہے۔
☮️ ☮️ ☮️ ☮️ pic.twitter.com/r8E31Jsfya
— Shadab Khan (@76Shadabkhan) October 18, 2023
تفصیلات کے مطابق محمد نواز، اسامہ میر، شاداب خان، محمد افتخار، امام الحق کے علاوہ سابق ٹیسٹ کرکٹر اظہر علی اور کامران اکمل نے بھی سماجی رابطے کی ویب سائٹ X پر فلسطینی پرچم کی تصاویر پوسٹ کی ہیں جس کا مقصد نہتے فلسطینیوں پر اسرائیلی حملوں کی مذمت اور اسرائیلی مظالم کا شکار فلسطینی شہریوں سے اظہار یکجہتی کرنا ہے۔
☮️ ✌🏻 pic.twitter.com/vPjUEnKU6E
— Usama Mir (@iamusamamir) October 18, 2023
واضح رہے پاکستان کرکٹ ٹیم کے وکٹ کیپر و بلے باز محمد رضوان نے سری لنکا کے خلاف میچ میں 131 رنز کی ناقابلِ شکست اننگز اور ٹیم کی شاندار فتح کو غزہ کے مظلوموں کے نام کیا تھا، انہوں نے ایکس پر پوسٹ شیئر کرتے ہوئے پاکستان کی جیت کو اسرائیل کی وحشیانہ کارروائیوں کا نشانہ بننے والے معصوم فلسطینیوں کے نام کر دیا۔ انہوں نے لکھا کہ یہ غزہ میں ہمارے بھائیوں اور بہنوں کے لیے تھا۔
🤲🤲🤲🤲 pic.twitter.com/2hH4Gjmyhn
— Muhammad Nawaz (@mnawaz94) October 18, 2023
بعد ازاں ہفتے کو ہونے والے پاک بھارت میچ کے بعد پاکستان کی شکست پر اسرائیل کے سرکاری سوشل میڈیا اکاؤنٹ سے کی گئی پوسٹ میں بھارتی جیت کا جشن منایا گیا اور کہا گیا ’ہم خوش ہیں کہ ورلڈکپ کے دوران بھارت نے پاکستان سے مقابلہ جیتا اور پاکستان اپنی فتح حماس کے دہشتگردوں کے نام کرنے کے قابل نہ ہو سکا‘۔
