عوامی مسلم لیگ کے سربراہ شیخ رشید احمد نے کہا ہے کہ میں شروع دن سے سگار پی رہا ہوں، مجھے سگار چھوڑنے کا مشورہ دینے والے سارے ڈاکٹرز مر گئے۔
شیخ رشید احمد نے سوشل میڈیا ٹوئٹر پر ایک ویڈیو شیئر کی، ویڈیو میں دیکھا جا سکتا ہے کہ شیخ رشید کہہ رہے ہیں میں شروع دن سے میں سگار پی رہا ہوں، کوئی چالیس پچاس سال سے، لاتعداد ڈاکٹروں نے مجھے کہا ہے کہ چھوڑ دو، جس جس ڈاکٹر نے کہا ہے کہ چھوڑ دو سارے مر گئے لیکن میں ابھی تک زندہ ہوں۔
— Sheikh Rashid Ahmed (@ShkhRasheed) February 24, 2023
یہ بھی پڑھیے: شیخ رشید اڈیالہ جیل سے رہا، دوبارہ جیل جانے کے لیے پُر عزم
یاد رہے کہ گزشتہ دنوں چیئرمین تحریک انصاف عمران خان نے بھی شیخ رشید کو سگار کا تحفہ دیا ہے۔
اس حوالے سے شیخ رشید احمد نے کہا تھا کہ میری رہائی پر عمران خان نے مجھے سگار کا ڈبہ دیا ہے، عمران خان نے شاید زندگی میں پہلی مرتبہ کسی کو سگار کا ڈبہ دیا ہے۔
