خیبرپختونخوا میں سینے کے امراض کے ساتھ نزلہ، زکام اور کھانسی کی وبا بھی پھیل گئی ہے۔
محکمہ صحت کی جاری کردہ امراض کے پھیلاؤ کی رپورٹ کے مطابق خیبرپختونخوا کے 35 اضلاع میں انفلوئنزا کے کیسز رپورٹ ہوئے۔ گزشتہ 6 ماہ میں مجموعی طور پر 1 لاکھ 30 ہزار 284 کیسز رپورٹ ہوئے
مزید پڑھیں
رپورٹ کے مطابق سب سے زیادہ 28 ہزار 674 کیسز جون کے مہینے میں سامنے آئے، مئی میں 28ہزار 402 کیسز، جولائی میں 17 ہزار 446 اور اکتوبر میں 19 ہزار 520 کیسز سامنے آئے۔
محکمہ صحت نے وبا کے پھیلاؤ اور مریضوں کی تعداد میں اضافے کے پیش نظر تمام اسپتالوں کو تیار رہنے کی ہدایات جاری کی ہیں۔ محکمہ صحت نے شہریوں سے کہا ہے کہ وہ اپنے تحفظ کے لیے ماسک کا استعمال کریں، ہاتھ صابن سے دھوئیں اور بیمار افراد سے ملتے وقت سماجی فاصلہ برقرار رکھیں۔
