کپتان شان مسعود کی قیادت میں پاکستانی کرکٹ ٹیم کینبرا میں آسٹریلوی پرائم منسٹر الیون کے خلاف 4 روزہ میچ کھیل رہی ہے جہاں تیسرے دن کھیل کے دوران ایک انتہائی دلچسپ منظر دیکھنے کو ملا۔
پرائم منسٹر الیون کی بیٹنگ جاری تھی اور اسپنر ابرار احمد کی گیند پر آسٹریلوی بلے باز میٹ رینشا نے شاٹ کھیلا جسے باؤنڈری پر روک لیا گیا اور بلے بازوں نے بھاگ کر 3 رنز بنالیے تھے، مگر جیسے ہی بال بابر اعظم کے ہاتھ میں آئی انہوں نے رن آؤٹ کرنے کے لیے بال کو پھینکا جو سیدھی باؤنڈری لائن تک پہنچ گئی اور یوں آسٹریلیا کو ایک گیند پر 3 کے بجائے 7 رنز مل گئے۔
شائقین نے اس حرکت کو آڑے ہاتھوں لیا۔ کسی نے کہا یہ ہمارے لیے عام سی بات ہے تو کوئی یہ کہتا نظر آیا کہ خراب فیلڈنگ تو ہمارا ورثہ ہے۔
ایک صارف نے لکھا کہ بابر اعظم نے 3 رنز کو 7 رنز میں تبدیل کردیا۔
Bobby Badshah … 3 runs ko 7 bana de! https://t.co/iva9ggoSAs
— Omair Alavi عمیر علوی (@omair78) December 8, 2023
متین اللہ کہتے ہیں کہ خراب کارکردگی تو پاکستانی ٹیم کا ورثہ ہے۔
It's our heritage bro 😄 #AUSvsPAK #BabarAzam https://t.co/K5jE1HKs8y
— Mateen Ullah (@MateenUllah14) December 8, 2023
جہاں کئی صارفین پاکستانی فیلڈنگ کو تنقید کا نشانہ بنا رہے ہیں وہیں ان کی حمایت میں بھی شائقین سامنے آ رہے ہیں۔ ایک صارف نے کہا کہ اوور تھرو ایک عام سی بات ہے۔
Overthrow is common
— Updesh Verma (@updeshverma) December 8, 2023
واضح رہے کہ 3 ٹیسٹ میچوں کی سیریز کا باقاعدہ آغاز 14 دسمبر کو پرتھ میں ہوگا۔
پاکستان اب تک آسٹریلیا کی سرزمین پر 37 ٹیسٹ میچ کھیل چکا ہے جن میں صرف 4 میچوں میں کامیابی مل سکی ہے جبکہ 26 میچوں میں پاکستان کو شکست کا سامنا کرنا پڑا۔
