قومی ویمنز کرکٹ ٹیم نیوزی لینڈ سے سیریز کیخلاف پہلا ون ڈے منگل کو کھیلے گی

نیوزی لینڈ اور پاکستان کی خواتین ٹیموں کے درمیان 3 ایک روزہ بین الاقوامی کرکٹ میچوں پر مشتمل سیریز کا پہلا میچ منگل کو جان ڈیوس اوول، کوئنز ٹاؤن میں کھیلا جائے گا۔

اس سے قبل پاکستان کی ویمز کرکٹ ٹیم نے میزبان نیوزی لینڈ کی خواتین کی ٹیم کو 3 ٹی ٹوئنٹی میچوں کی سیریز میں 1-2 سے شکست دی تھی۔

گرین شرٹس نے پہلے ٹی ٹوئنٹی میچ میں نیوزی لینڈ ویمنز کو 7 وکٹوں جبکہ دوسرے میں 10 رنز سے شکست دی تھی تاہم تیسرے ٹی ٹوئنٹی میچ میں کیوی خواتین ٹیم نے

پاکستان کی ویمنز ٹیم کو 6رنز سے شکست دی تھی۔

3 ٹی ٹوئنٹی سیریز مکمل ہونے کے بعد دونوں ٹیموں کے درمیان ایک روزہ میچوں کی سیریز کا پہلا میچ 12 دسمبر کو جان ڈیوس اوول میں کھیلاجائے گا۔

دوسرا ایک روزہ میچ 15 دسمبر کو ہیگلے اوول، کرائسٹ چرچ میں کھیلا جائے گا جبکہ تیسرا اور آخری میچ 18دسمبر کو ہیگلے اوول، کرائسٹ چرچ میں کھیلا جائے گا۔