پاکستان مسلم لیگ ن کے صدر میاں شہباز شریف نے العزیزیہ ریفرنس میں بریت پر نواز شریف کو مبارکباد پیش کی ہے۔
سماجی رابطے کی سائٹ ’ایکس‘ پر اپنے ایک بیان میں شہباز شریف نے کہاکہ اللہ تعالیٰ کے فضل و کرم سے قائد پاکستان مسلم لیگ ن نواز شریف ایک بار پھر کامیاب ہو گئے ہیں۔
By the grace of Allah Almighty my brother and quaid Muhammad Nawaz Sharif has been vindicated once again.
The sham cases created to disqualify a sitting Prime Minister are finally meeting their fate.
The 7 years wasted were not just a personal loss but a loss of development… pic.twitter.com/DxEVA7aigG
— Shehbaz Sharif (@CMShehbaz) December 12, 2023
انہوں نے کہاکہ ایک منتخب وزیراعظم کو نااہل قرار دینے کے لیے بنائے گئے جھوٹے مقدمات بالآخر انجام کو پہنچ گئے۔
شہباز شریف نے کہاکہ نواز شریف کی نااہلی کے بعد ضائع ہونے والے 7 سالوں میں پاکستان کی ترقی اور خوشحالی کا سفر رک گیا۔ اب ایک بار پھر قائد ن لیگ کی قیادت میں پاکستان ترقی کرے گا۔
واضح رہے کہ اسلام آباد ہائیکورٹ نے العزیزیہ ریفرنس میں نوازشریف کی سزا کالعدم قرار دیتے ہوئے انہیں بری کر دیا ہے۔
اس سے قبل حال ہی میں ایون فیلڈ ریفرنس میں بھی نوازشریف کو بری کیا گیا تھا۔
